News November 9, 2024
రాహుల్ దిశానిర్దేశంలేని క్షిపణి: అస్సాం సీఎం
కాంగ్రెస్ అగ్రనేత రాహుల్ గాంధీకి నియంత్రణ లేదంటూ అస్సాం సీఎం హిమంత బిశ్వ శర్మ విమర్శలు మండిపడ్డారు. ‘రాహుల్ ప్రస్తుతం నియంత్రణ లేని క్షిపణిలా ఉన్నారు. సోనియా శిక్షణనివ్వకపోతే మున్ముందు దారీతెన్నూ లేని క్షిపణిగా మారతారు. ఆయన్ను ఎవరూ సీరియస్‌గా తీసుకోరు. ఝార్ఖండ్‌కు వచ్చిన రాహుల్ తీవ్రవాదుల గురించి ఒక్క ముక్కా మాట్లాడలేదు. ఆయన గిరిజనులకు, వెనుకబాటు వర్గాలకు వ్యతిరేకి’ అని విమర్శించారు.
Similar News
News November 13, 2024
BREAKING: పట్టాలు తప్పిన గూడ్స్ రైలు
TG: పెద్దపల్లి-రాఘవాపూర్ దగ్గర ఓ గూడ్స్ రైలు పట్టాలు తప్పింది. ఓవర్ లోడ్ కారణంగా 6 బోగీలు పట్టాలు తప్పాయి. దీంతో పలు రైళ్ల రాకపోకలకు అంతరాయం ఏర్పడింది. రైల్వే సిబ్బంది మరమ్మతులు చేపట్టారు.
News November 13, 2024
ఉల్లి ధరలు ఎప్పుడు తగ్గుతాయంటే?
ఏడాదంతా దాదాపుగా స్థిరంగా ఉన్న ఉల్లి ధరలు ఒక్కసారిగా పెరిగాయి. దేశంలో అత్య‌ధికంగా ఉల్లి ఉత్పత్తి చేసే మహారాష్ట్రలోని నాసిక్ జిల్లాలో రైతుల నుంచి సరఫరా త‌గ్గ‌డ‌మే దీనికి కారణంగా తెలుస్తోంది. రబీ సీజన్‌లోని పాత నిల్వ తక్కువగా ఉండడంతో కొత్త నిల్వ ఇంకా మార్కెట్లకు రాలేదు. ఈ సరఫరా-డిమాండ్‌లో వ్యత్యాసం కారణంగానే ధరలు పెరిగినట్లు వ్యాపారులు చెబుతున్నారు. మ‌రో 10 రోజుల్లో ధరలు దిగొస్తాయ‌ంటున్నారు.
News November 13, 2024
అమృత్ టెండర్లపై ఆరోపణలు అవాస్తవం: రేవంత్
TG: అమృత్ టెండర్లలో అక్రమాలు జరిగాయంటూ BRS చేస్తున్న ఆరోపణల్లో నిజం లేదని CM రేవంత్ అన్నారు. ‘రెడ్డి పేరు ఉన్న వాళ్లంతా నా బంధువులు కారు. సృజన్ రెడ్డి BRS మాజీ ఎమ్మెల్యే ఉపేందర్ రెడ్డి అల్లుడు. ఆ పార్టీ హయాంలోనే సృజన్‌కు రూ.వేల కోట్ల పనులు ఇచ్చారు. ఈ టెండర్లలో అవినీతి జరగలేదని ఉపేందరే చెప్పారు. కేటీఆర్ ఎవరికైనా చెప్పుకోవచ్చు, కేసులు వేసుకోవచ్చు. నాకు ఇబ్బంది లేదు’ అని తెలిపారు.