News August 6, 2024

పార్లమెంటు ఛాంబర్లో రైతు నేతలతో రాహుల్ చర్చలు

పార్లమెంటు భవనంలో లోక్‌సభ ప్రతిపక్ష నేత రాహుల్ గాంధీ మంగళవారం బిజీగా గడిపారు. సాయంత్రం ఆయన రైతు సంఘాల నేతలతో సమావేశం అయ్యారు. 11 మంది సంయుక్త కిసాన్ మోర్చా నాయకులను తన ఛాంబర్లో కలిశారు. అయితే వారు ఏయే అంశాలపై చర్చించారో తెలియాల్సి ఉంది. కొన్నిరోజుల క్రితం రైతు నేతలను పార్లమెంటులోకి రానివ్వడం లేదని రాహుల్ ఆరోపించిన సంగతి తెలిసిందే. బడ్జెట్ సమావేశాల్లో ఆయన రైతుల గురించి ప్రస్తావించే అవకాశం ఉంది.