News April 3, 2025
కాసేపట్లో వర్షం..
TG: రాష్ట్రంలోని పలు జిల్లాల్లో కాసేపట్లో వర్షం కురిసే అవకాశం ఉందని హైదరాబాద్ వాతావరణ కేంద్రం తెలిపింది. సంగారెడ్డి, మెదక్, సిద్దిపేట, వికారాబాద్, మేడ్చల్ జిల్లాలోని కొన్ని ప్రాంతాల్లో క్యుములోనింబస్ మేఘాలు కమ్ముకున్నాయని పేర్కొంది. వీటి ప్రభావంతో కాసేపట్లో ఆ జిల్లాల్లో వర్షాలు కురిసే అవకాశం ఉందని వివరించింది. మరి మీ ఏరియాలో వాతావరణం ఎలా ఉంది? కామెంట్ చేయండి.
Similar News
News April 4, 2025
రాష్ట్రంలో నియంత్రణలోనే ఎయిడ్స్.. స్థానం మెరుగుదల
AP: ఎయిడ్స్ నియంత్రణలో రాష్ట్ర ఎయిడ్స్ నియంత్రణ సంస్థ మంచి పనితీరు కనబరిచింది. గతేడాది వరకు 17వ స్థానంలో ఉన్న ఏపీ ప్రస్తుతం 7వ ప్లేస్‌కు చేరినట్లు జాతీయ ఎయిడ్స్ నియంత్రణ సంస్థ(న్యాకో) తెలిపింది. 2024 APR- DEC మధ్య మంచి పనితీరు కనబరిచినట్లు చెప్పింది. 2004 నుంచి రాష్ట్రంలో దాదాపు 2,25,000 మంది బాధితుల్ని గుర్తించినట్లు వెల్లడించింది. వ్యాధి నియంత్రణకు రూ.127cr ఖర్చు చేసినట్లు న్యాకో పేర్కొంది.
News April 4, 2025
రోహిత్ బ్యాటింగ్‌పై విమర్శలు.. పొలార్డ్ ఏమన్నారంటే?
IPLలో పేలవ ఫామ్‌ను కొనసాగిస్తున్న రోహిత్ శర్మను MI తుది జట్టు నుంచి తప్పించాలన్న కామెంట్లపై బ్యాటింగ్ కోచ్ పొలార్డ్ స్పందించారు. ‘ఈ ఆటలో రోహిత్ ఒక లెజెండ్. U19 నుంచి అతడితో ఆడుతున్నా. విభిన్న పరిస్థితుల్లో, వేర్వేరు ఫార్మాట్లలో ఎన్నో రికార్డులు నెలకొల్పాడు. ఆటను ఆస్వాదించే హక్కును పొందాడు. క్రికెట్‌లో తక్కువ స్కోర్లకు ఔటవ్వడం సహజం. అతడు పెద్ద స్కోర్ చేసినప్పుడు మనం ప్రశంసిస్తాం’ అని అన్నారు.
News April 4, 2025
నేటి నుంచి సబ్ రిజస్ట్రార్ ఆఫీసుల్లో స్లాట్ బుకింగ్
AP: రిజిస్ట్రేషన్ కోసం గంటల తరబడి వేచి చూడకుండా నేటి నుంచి స్లాట్ బుకింగ్ విధానం అమల్లోకి రానుంది. దీంతో స్లాట్ బుక్ చేసుకున్న సమయానికి రిజిస్ట్రేషన్ ఆఫీసుకు వెళ్తే చాలు. ఇప్పటికే కృష్ణా (D)లో ఈ విధానం పైలట్‌ ప్రాజెక్ట్‌గా అమలు అవుతోంది. ఇవాళ్టి నుంచి రాష్ట్ర వ్యాప్తంగా ఉన్న ప్రధాన సబ్ రిజిస్ట్రార్ ఆఫీసుల్లో కొత్త విధానం అందుబాటులోకి రానుంది. మంత్రి అనగాని సచివాలయం నుంచి ఈ సేవలను ప్రారంభిస్తారు.