News April 20, 2024
రణ్వీర్, దీపికా నాకు థాంక్స్ చెప్పాలి: కరీనా
బాలీవుడ్ నటి కరీనా కపూర్ ఆసక్తికర విషయాలను వెల్లడించారు. ‘రామ్లీలా సినిమాలో ఫస్ట్ ఛాన్స్ నాకే వచ్చింది. నేను వదులుకోవడంతో ఆ సినిమాలో రణ్వీర్ సరసన దీపికా నటించారు. తర్వాత వీరిద్దరూ పెళ్లి చేసుకున్నారు. ఓ రకంగా చూస్తే వాళ్లు నాకు థాంక్స్ చెప్పాలి’ అని కరీనా తెలిపారు. ఇటు సైఫ్ అలీఖాన్ ‘కల్ హో నా హో’ మూవీని రిజెక్ట్ చేశానని.. ఆ మూవీ చేసుంటే సైఫ్తో తన వివాహం ఇంకా ముందే జరిగి ఉండేదని చెప్పారు.
Similar News
News January 20, 2026
APలో RMZ సంస్థ రూ.లక్ష కోట్ల పెట్టుబడులు!
AP: రాష్ట్రంలో భారీగా పెట్టుబడులకు RMZ సంస్థ ముందుకొచ్చింది. రూ.లక్ష కోట్ల పెట్టుబడులు పెట్టనున్నట్టు సంస్థ ఛైర్మన్ మనోజ్ మెండా తెలిపారు. దావోస్ సమ్మిట్లో మంత్రి లోకేశ్తో సమావేశం అనంతరం ఈ ప్రకటన చేశారు. విశాఖ కాపులుప్పాడ ఫేజ్-1 ఐటీ పార్క్లో 50 ఎకరాల్లో జీసీసీ పార్క్ అభివృద్ధి చేయనున్నట్టు తెలిపారు. 1Gw వరకు హైపర్స్కేల్ డేటా సెంటర్ క్లస్టర్ ఏర్పాటుకు ప్లాన్లు రెడీ చేస్తున్నామని పేర్కొన్నారు.
News January 20, 2026
నైనీ కోల్ టెండర్లపై CBIతో విచారించాలి: రాంచందర్
TG: నైనీ కోల్ బ్లాక్ టెండర్ల వివాదంతో CM, మంత్రుల విభేదాలు బట్టబయలయ్యాయని TBJP చీఫ్ రాంచందర్ రావు విమర్శించారు. ‘బంధువులకు గనులు కేటాయించుకోవాలని చూశారు. మీడియాలో వార్తలతో టెండర్లు రద్దు చేశారు. దీనిపై CBI, మరేదైన సంస్థతో విచారించాలి’ అని డిమాండ్ చేశారు. కేంద్రమంత్రి కిషన్ రెడ్డికి లేఖ రాసే అర్హత BRSకు లేదన్నారు. BRS హయాం నుంచి ఇప్పటి INC GOVT వరకు జరిగిన అవినీతిపై విచారణ జరగాలని పేర్కొన్నారు.
News January 20, 2026
ఆ దేశాలనూ అమెరికాలో కలిపేసిన ట్రంప్!
యూరోపియన్ దేశాలు, US మధ్య ఉద్రిక్తతలు నెలకొన్న వేళ ట్రంప్ రిలీజ్ చేసిన AI జనరేటెడ్ మ్యాప్ వైరల్ అవుతోంది. అందులో కెనడా, గ్రీన్లాండ్, వెనిజులా US భూభాగానికి చెందినవి అన్నట్లు ఉంది. ఈ ఫొటోను ఆయన ట్రూత్లో పోస్ట్ చేశారు. గతేడాది EU లీడర్లతో ట్రంప్ భేటీ కాగా, అప్పటి ఫొటోను మార్ఫ్ చేశారు. ఆ సమయంలో ఫ్రెంచ్ ప్రెసిడెంట్ మాక్రాన్, ఇటలీ PM మెలోని, UK PM కీర్ స్టార్మర్ తదితరులతో ట్రంప్ సమావేశమయ్యారు.