News October 21, 2024
రతన్ టాటా నాకూ సలహాలిచ్చేవారు: బ్రిటన్ మాజీ PM
చంద్రుడి సౌత్‌పోల్‌లో రోవర్‌ను దించిన చంద్రయాన్3 సహా అనేక అంశాల వల్ల భారత్‌పై వెస్ట్ దృష్టికోణం మారిందని బ్రిటన్ మాజీ PM డేవిడ్ కామెరాన్ అన్నారు. జాగ్వార్‌ను టాటా కొనడంతో UKలో జపాన్‌ పెట్టుబడుల్ని భారత్ దాటేసిందన్నారు. ‘టాటా పెట్టుబడి నాకో వేకప్‌ కాల్‌. ప్రపంచ స్థాయికి భారత ఎకానమీ ఎదిగిందని, గొప్ప పనులు చేయబోతోందని గ్రహించాను. నేను PMగా ఉన్నప్పుడు రతన్ టాటా నాకు సలహాదారుగా ఉండేవారు’ అని అన్నారు.
Similar News
News November 24, 2025
KMR: బరిలో పోటీ చేసేదెవరో తేలిపోయింది!
కామారెడ్డి జిల్లాలో గ్రామ పంచాయతీ ఎన్నికలకు సంబంధించి రిజర్వేషన్లు ఖరారయ్యాయి. జిల్లాలోని 532 గ్రామ పంచాయతీలకు సర్పంచ్ స్థానాలకు, 4656 వార్డు స్థానాలకు రిజర్వేషన్లను కలెక్టర్ ఆశిష్ సాంగ్వాన్ ఆదివారం గెజిట్ నోటిఫికేషన్ ద్వారా విడుదల చేశారు. కోర్టు ఆదేశాల మేరకు, మొత్తం రిజర్వేషన్లు 50 శాతం మించకుండా ఈ స్థానాలను ఖరారు చేయడం జరిగింది. దీనితో ఎవరు ఎక్కడ పోటీ చేయాలో స్పష్టత వచ్చింది.
News November 24, 2025
ముగిసిన G20 సమ్మిట్.. చర్చించిన అంశాలివే..
సౌతాఫ్రికాలో జరిగిన G20 సమ్మిట్ విజయవంతంగా ముగిసింది. 20దేశాలకు చెందిన దేశాధినేతలు ఇందులో పాల్గొని వివిధ అంశాలపై చర్చించారు. ప్రధానంగా దేశాల మధ్య యుద్ధ వాతావరణాలను తొలగించుకోవాలని నిర్ణయించుకున్నారు. ప్రపంచ ఆర్థిక వ్యవస్థ, సుస్థిర అభివృద్ధి, వాతావరణ మార్పులు, మైనింగ్, టెక్నాలజీ, AI సాంకేతికతలో పరస్పరం సహకరించుకోవాలని అంగీకారానికి వచ్చారు. రక్షణ, వాణిజ్య రంగాల్లో ద్వైపాక్షిక సహకారంపైనా చర్చించారు.
News November 24, 2025
గొప్ప జీవితం అంటే ఏంటి?
‘గొప్ప జీవితం’ అంటే డబ్బు సంపాదించడమో, భోగాలు అనుభవించడమో, ధనవంతులుగా కీర్తి సంపాదించడమో కాదని మన శాస్త్రాలు చెబుతున్నాయి. ధర్మబద్ధంగా జీవించడమే దేవుడిచ్చిన జన్మకు సార్థకమంటున్నాయి. ఈ సత్యాన్నే మన రామాయణ మహాభారత గాథలు లోకానికి చాటిచెప్పాయి. తల్లిదండ్రులు తమ పిల్లలు కేవలం గొప్పవారు కావాలని చెబుతుంటారు. అందుకు బదులుగా ధర్మ బుద్ధి కలిగి ఉండాలని కోరుకోవాలి. అవే శాశ్వతమైన ఆనందాన్ని, విలువను ఇస్తాయి.