News December 11, 2024
రాష్ట్రంలో మళ్లీ రేషన్ మాఫియా: జగన్
AP: రాష్ట్రంలో రేషన్ మాఫియా మళ్లీ వచ్చిందని మాజీ సీఎం జగన్ ఆరోపించారు. రేషన్ బియ్యం అక్రమ రవాణా విషయంలో ప్రభుత్వం ప్రజలను తప్పుదోవ పట్టిస్తోందని ఆయన మండిపడ్డారు. ‘ప్రజలకు నాణ్యమైన స్వర్ణరకం బియ్యం ఇవ్వడం లేదు. సార్టెక్స్ బియ్యం అందుబాటులో లేదు. ప్రజలకు నాసిరకం బియ్యం ఇస్తున్నారు. ఆర్థిక మంత్రి వియ్యంకుడే బియ్యం అక్రమ ఎగుమతులు చేస్తున్నారు. కానీ నిందలు మాపై వేస్తున్నారు’ అని ఆయన ఫైర్ అయ్యారు.
Similar News
News November 30, 2025
ఆన్‌లైన్‌లో సింహాచలం దర్శనం టికెట్స్
సింహాచలం వచ్చే భక్తులకు గుడ్‌న్యూస్. దేవదాయ శాఖ సూచనల మేరకు దేవస్థానం వసతి గదులు, దర్శనాలు, ప్రత్యేక పూజలు, ఇతర సేవల బుకింగులు ఆన్‌లైన్‌లో అందుబాటులోకి తీసుకొచ్చినట్లు ఈవో సుజాత ఆదివారం తెలిపారు. వీరికి ప్రత్యేక మార్గం ద్వారా దర్శనం, ప్రత్యేక లడ్డు ప్రసాదం కౌంటర్ ఏర్పాటు చేశామన్నారు. భక్తులు www.aptemples.ap.gov.in వెబ్‌సైట్ ద్వారా, వాట్సాప్ నంబరు 9552300009 ద్వారా బుక్ చేసుకోవచ్చని చెప్పారు.
News November 30, 2025
తిరుపతిలోని SVIMSలో ఉద్యోగాలు
తిరుపతిలోని శ్రీ వేంకటేశ్వర ఇన్‌స్టిట్యూట్ ఆఫ్ మెడికల్ సైన్సెస్‌ 5 పోస్టులను భర్తీ చేస్తోంది. అర్హతగల వారు DEC 10న ఇంటర్వ్యూకు హాజరుకావొచ్చు. పోస్టును బట్టి MSc/BSc, PG (DMRIT)/ MSc(న్యూక్లియర్ మెడిసిన్ టెక్నాలజీ, మెడికల్ రేడియో ఐసోటోప్ టెక్నాలజీ, కెమిస్ట్రీ), PhDతో పాటు పని అనుభవం ఉండాలి. అభ్యర్థుల గరిష్ఠ వయసు 42ఏళ్లు. ఇంటర్వ్యూ, ఎక్స్‌పీరియన్స్ ఆధారంగా ఎంపిక చేస్తారు. svimstpt.ap.nic.in
News November 30, 2025
రబీ(యాసంగి) వరి సాగుకు ఎలాంటి రకాలను ఎంపిక చేసుకోవాలి?
రబీలో వరి సాగుకు అధిక దిగుబడినిచ్చే, 120-130 రోజుల కాలపరిమితి కలిగి, తినడానికి మిక్కిలి అనువైన సన్న గింజ రకాలను ఎంపిక చేసుకోవాలి. గింజ రాలిక తక్కువగా ఉండి, అగ్గి తెగులును తట్టుకొని, చేనుపై పడిపోని రకాలను మార్కెట్ మరియు నీటి లభ్యత ఆధారంగా ఎన్నుకోవాలి. NLR 34449, NLR 3354, MTU 1282, NLR 3648, MTU 1426 రకాలు మిక్కిలి సన్నగింజ నాణ్యత కలిగి రబీ సాగుకు అనుకూలం అంటున్నారు వ్యవసాయ నిపుణులు.