News September 23, 2025
స్థానిక ఎన్నికలకు సిద్ధం: మంత్రి లోకేశ్
AP: స్థానిక సంస్థల ఎన్నికలపై నిన్న మీడియా చిట్‌చాట్‌లో మంత్రి లోకేశ్ కీలక వ్యాఖ్యలు చేశారు. ఎలక్షన్స్‌కు తాము సిద్ధంగా ఉన్నామని ప్రకటించారు. అయితే అందుకు వచ్చే ఏడాది మార్చి వరకు గడువుందని గుర్తు చేశారు. అటు నిర్ణీత గడువులోపు స్థానిక ఎన్నికలు జరిపేందుకు ప్రభుత్వం సిద్ధమవుతున్నట్లు తెలుస్తోంది. మరోవైపు తిరుమల పరకామణిలో చోరీ కేసును సిట్‌తో దర్యాప్తు చేయిస్తామని లోకేశ్ తెలిపారు.
Similar News
News September 23, 2025
మీరే బకాయిలు పెట్టి మమ్మల్ని అంటారా: లోకేశ్
AP: శాసన మండలిలో ఫీజు రీయింబర్స్‌మెంట్‌పై చర్చ సందర్భంగా YCP నేత బొత్సపై మంత్రి లోకేశ్ మండిపడ్డారు. ‘మీరే బకాయిలు పెట్టి మమ్మల్ని అంటారా? సీనియర్ నేత అయ్యుండి బీఏసీలో ఎందుకు మాట్లాడలేదు? నన్ను డిక్టేట్ చేయడం సరికాదు’ అని ఆగ్రహించారు. తమ హయాంలో బకాయిలు పెట్టలేదని, లోకేశ్ మాటలు సరిగాలేవని బొత్స బదులిచ్చారు. కాగా ఫీజు రీయింబర్స్‌మెంట్‌పై YCP ఇచ్చిన వాయిదా తీర్మానాన్ని ఛైర్మన్ తిరస్కరించారు.
News September 23, 2025
PCOS ఉంటే వీటికి దూరంగా ఉండండి
ప్రస్తుతం మహిళల్లో ఎక్కువగా కనిపిస్తున్న సమస్య పీసీఓఎస్. WHO నివేదికల ప్రకారం పదిమందిలో ఇద్దరు ఈ సమస్యతో బాధపడుతున్నారు. అయితే PCOS ఉన్నవారు కొన్నిపదార్థాలకు దూరంగా ఉండాలి. పాలు, పాల ఉత్పత్తులు, సోయా ఉత్పత్తులు ఈస్ట్రోజన్ స్థాయులపై ప్రభావం చూపి నెలసరిని ఆలస్యం చేస్తాయి. మాంసంలో ఉండే ప్రొటీన్లు మంచివే కానీ, శరీరంలో ఇన్‌ఫ్లమేషన్‌ని పెంచుతాయి. కాబట్టి వీటికి దూరంగా ఉండండి.
News September 23, 2025
ముఖం చూసి ఆర్థిక స్థితిని చెప్పొచ్చు!
ఒకరి ముఖాన్ని చూసి వారు సంతోషంగా ఉన్నారా? బాధలో ఉన్నారో చెప్పగలం. అయితే వారి సామాజిక ఆర్థిక స్థితిని కూడా మెదడు అంచనా వేయగలదని టొరంటో యూనివర్సిటీ పరిశోధనలో తెలిసింది. ముఖ కవళికలు, కళ్ల చుట్టూ ఉన్న గీతలు, చర్మంలోని మార్పుల ఆధారంగా అంచనా వేస్తుందట. తరచూ ఒత్తిడి, పోషకాహార లోపం, నిద్రలేమి వంటివి ముఖంపై ప్రభావం చూపుతాయి. వీటిని బట్టి వ్యక్తి ఆర్థిక పరిస్థితి గురించి మెదడు ఓ అవగాహనకు వస్తుంది.