News December 2, 2024
సీఎస్కేకి ఆడాలనుకోవడానికి కారణమదే: చాహర్
పేసర్ దీపక్ చాహర్ను వేలంలో ముంబై కొనుగోలు చేసిన సంగతి తెలిసిందే. అయితే తాను తొలి నుంచీ CSKకి ఆడాలనుకున్నానని చాహర్ తెలిపారు. ‘ఫస్ట్ నుంచీ ధోనీ నాకు అండగా నిలిచారు. అందుకే CSK అంటే అంత ఇష్టం. పర్స్ తక్కువ ఉండటంతో ఈసారి ఆ టీమ్కి వెళ్లనని ముందే అర్థమైంది. రూ.13 కోట్ల పర్స్ ఉంటే రూ.9 కోట్ల వరకూ నాకోసం ట్రై చేశారు. ఏదేమైనా.. ఇప్పుడు మరో గొప్ప ఫ్రాంచైజీకి ఆడనున్నానని సంతోషంగా ఉంది’ అని వివరించారు.
Similar News
News April 2, 2026
కిడ్నీ ముఠా గుట్టురట్టు.. మూవీ తీయొచ్చేమో!
UP కాన్పూర్లో వెలుగుచూసిన కిడ్నీ రాకెట్ ఉదంతం సినిమా స్టోరీని తలపిస్తోంది. ఓ యువకుడు తన కిడ్నీని రూ.10లక్షలకు అమ్మేందుకు ముఠాతో ఒప్పందం చేసుకున్నాడు. అయితే ఆపరేషన్ పూర్తయ్యాక అతనికి రూ.9.5లక్షలే ఇవ్వడంతో మిగిలిన డబ్బు కోసం గొడవ జరిగింది. ఆ కోపంతో బాధితుడు పోలీసులను ఆశ్రయించడంతో విచారణలో అంతర్జాతీయ ముఠా గుట్టురట్టైంది. వీరు రూ.10లక్షలకు కొని రోగికి రూ.60లక్షలకు అమ్ముతున్నట్లు విచారణలో తేలింది.
News April 2, 2026
గుడ్ న్యూస్: రూ.7,358 కోట్లు దశలవారీ చెల్లింపు
AP: ఉద్యోగులకు చెల్లించాల్సిన రూ.7,358 CR బకాయిల విడుదలకు GOVT చర్యలు చేపట్టింది. CM ఆదేశాలతో చెల్లింపు చేస్తున్నట్లు ఆర్థిక శాఖ పేర్కొంది. గ్రాట్యుటీ ₹3,411CR, లీవ్ ఎన్క్యాష్మెంటు ₹1800CR ఇవ్వాల్సి ఉండగా నిధుల అందుబాటును అనుసరించి విడుదల చేస్తున్నామంది. ఇప్పటికే PF కింద ₹1,848CR, GLI కింద ₹76CR, పోలీసుల సరెండర్ లీవులకు ₹223CR జమ చేశామని ఫైనాన్స్ విభాగం తెలిపింది.
News April 2, 2026
‘అతలాకుతలం’ వెనుక ఇంత ఉందా?
విపత్తుల కారణంగా భారీ నష్టం సంభవించినప్పుడు, వ్యాపారాలు దెబ్బతిన్నప్పుడు ‘అతలాకుతలం’ అనే జాతీయం వాడతాం. పురాణాల ప్రకారం భూమి కింద ఏడు లోకాలు(అతలం, వితలం, సుతలం, తలాతలం, రసాతలం, మహాతలం, పాతాళం) ఉన్నాయి. ఇందులో సుతలానికి బదులు కుతలమనే శబ్దాన్ని వాడుతున్నారు. ఆ లోకాలు తారుమారయితే పరిస్థితులు దెబ్బతిన్నట్లే. నిజ జీవితంలోనూ పరిస్థితులు తలకిందులయ్యాయని చెప్పేందుకూ దీన్ని వాడుతున్నాం.
<<-se>>#EPICSAYINGS<<>>