News March 30, 2024
రికార్డు స్థాయిలో విద్యుత్ వినియోగం
హైదరాబాద్ పరిధిలో నిన్న రికార్డు స్థాయిలో విద్యుత్ వినియోగం జరిగింది. నిన్న ఒకరోజే 79.48 మిలియన్ యూనిట్ల కరెంట్ను ప్రజలు వాడారని విద్యుత్ అధికారులు తెలిపారు. గత ఏడాది మే నెలలో సుమారు ఈ స్థాయిలోనే వినియోగం జరగగా.. ఈసారి మార్చికే రికార్డు రావడం గమనార్హం. ఈ సీజన్లో వినియోగం 90 మిలియన్ యూనిట్లకు చేరే అవకాశం ఉందంటున్నారు అధికారులు. ఎండలు, పారిశ్రామిక, వ్యవసాయ అవసరాలే దీనికి కారణం కావొచ్చంటున్నారు.
Similar News
News January 12, 2026
సంక్రాంతికి మరో 3 ప్రత్యేక రైళ్లు
సంక్రాంతికి ద.మ.రైల్వే అనకాపల్లి-చర్లపల్లి మధ్య అదనంగా మరో 3 ప్రత్యేక రైళ్లను ఏర్పాటు చేసింది. అనకాపల్లిలో 18న ఒక ట్రైన్(07479), 19న ఒక ట్రైన్(07478) రాత్రి 10.30 గం.కు బయలుదేరి తర్వాతి రోజు ఉ.11.30గం.కు చర్లపల్లి చేరుకుంటుంది. 19న చర్లపల్లి(07477)లో అర్ధరాత్రి 12.40 గం.కు బయలుదేరి అదే రోజు రా.9 గంటలకు అనకాపల్లి చేరుకుంటుంది. ఈ రైళ్లు నల్గొండ, మిర్యాలగూడ, GNT, VJA, రాజమండ్రి మీదుగా నడుస్తాయి.
News January 12, 2026
హాస్పిటల్ నుంచి డిశ్చార్జ్ అయిన సోనియా
కాంగ్రెస్ పార్టీ అగ్ర నాయకురాలు సోనియా గాంధీ ఢిల్లీలోని సర్ గంగారామ్ ఆస్పత్రి నుంచి ఆదివారం డిశ్చార్జ్ అయ్యారు. ఛాతీలో ఇన్ఫెక్షన్ కారణంగా శ్వాస తీసుకోవడంలో ఇబ్బంది ఏర్పడటంతో వారం రోజుల క్రితం ఆమెను ఆస్పత్రిలో చేర్పించారు. సోనియా ప్రస్తుతం పూర్తిగా కోలుకున్నారని ఆస్పత్రి వర్గాలు వెల్లడించాయి. ఆమె ఆరోగ్యం నిలకడగా ఉందని, తదుపరి చికిత్సను వైద్యులు ఇంటివద్దే కొనసాగించాలని సూచించారని తెలిపాయి.
News January 12, 2026
పింగళ, గేరువా జాతి పుంజులను ఎలా గుర్తిస్తారు?
‘ఎర్రపొడ’ రకం పుంజు ఈకలు ఎక్కువ ఎరుపుగా, పొడిగా మెరుస్తూ ఉంటాయి. ‘సవల’ కోడి మెడపై నల్లని ఈకలుంటాయి. ‘కొక్కిరాయి’ ఈ రకం పుంజు శరీరం నల్లగా ఉన్నా 2,3 రకాల ఈకలుంటాయి. ‘మైల’ ఈకలు ఎరుపు, బూడిద రంగులో ఉంటాయి. ‘పూల’ ఒక్కో ఈక నలుపు, తెలుపు, ఎరుపు రంగులో కలిసి ఉంటాయి. ‘పింగళ’ పుంజుకు ఎక్కువగా రెక్కలు తెలుపు రంగులో ఉంటాయి. ‘గేరువా’ జాతి కోడిపుంజుకు తెలుపు, లేత ఎరుపు రంగు ఈకలు మిశ్రమంగా ఉంటాయి.