News July 29, 2024
ఫోన్ల రికవరీ.. దేశంలోనే రెండో స్థానంలో తెలంగాణ

మిస్సింగ్, చోరీకి గురైన ఫోన్లను గుర్తించడంలో తెలంగాణ పోలీసులు సత్తా చాటుతున్నారు. ఫోన్ల రికవరీలో దేశంలో 2వ స్థానంలో నిలిచారు. 2024 జనవరి 1 నుంచి జులై 25 వరకు 21,193 ఫోన్లను విజయవంతంగా కనిపెట్టారు. CEIR పోర్టల్లో బాధితుల ఫిర్యాదుల ఆధారంగా మిస్సింగ్ ఫోన్లను ట్రేస్ చేస్తున్నారు. సగటున రోజుకు 82 ఫోన్లు రికవరీ చేస్తున్నారు. ఈ లిస్టులో కర్ణాటక టాప్లో ఉండగా.. మహారాష్ట్ర, ఏపీ 3, 4 స్థానాల్లో ఉన్నాయి.
Similar News
News November 30, 2025
ఇండియన్ల వల్ల అమెరికా లబ్ధి పొందింది: మస్క్

ప్రతిభావంతులైన ఇండియన్ల నుంచి US ఎంతో ప్రయోజనం పొందిందని టెస్లా అధినేత ఎలాన్ మస్క్ అన్నారు. జెరోధా కోఫౌండర్ నిఖిల్ కామత్ పాడ్కాస్ట్లో ఆయన మాట్లాడారు. విదేశీయులు తమ జాబ్స్ దోచుకుంటున్నారని కొందరు అమెరికన్లు భావించడం ఎంతవరకు నిజమో తనకు తెలియదన్నారు. ‘ప్రతిభావంతుల కొరత ఎప్పుడూ ఉంటుంది. కష్టమైన పనులు చేసేందుకు వాళ్లు ఉండాలి’ అని తెలిపారు. H-1B ప్రోగ్రామ్లో కొంత దుర్వినియోగం జరిగిందని చెప్పారు.
News November 30, 2025
ALERT.. రేపు అతిభారీ వర్షాలు

AP: రాష్ట్రంలో రేపు నెల్లూరు, తిరుపతిలో భారీ నుంచి అతిభారీ వర్షాలు కురుస్తాయని APSDMA ఎండీ ప్రఖర్ జైన్ తెలిపారు. కోనసీమ, ప.గో., కృష్ణా, గుంటూరు, బాపట్ల, పల్నాడు, ప్రకాశం, కడప, అన్నమయ్య, చిత్తూరు జిల్లాల్లో మోస్తరు నుంచి భారీ వర్షాలు పడతాయన్నారు. అటు కాకినాడ, తూ.గో., ఏలూరు, NTR, కర్నూలు, నంద్యాల, శ్రీసత్యసాయి, అనంతపురంలో తేలికపాటి నుంచి మోస్తరు వర్షాలు కురిసే ఛాన్స్ ఉంది’ అని పేర్కొన్నారు.
News November 30, 2025
ఆపరేషన్ సిందూర్ ఇంకా కొనసాగుతోంది: నేవీ చీఫ్

ఆపరేషన్ సిందూర్ ఇప్పటికీ కొనసాగుతోందని నేవీ చీఫ్ అడ్మిరల్ దినేశ్ త్రిపాఠి తెలిపారు. ముందస్తు హెచ్చరికలు లేకుండానే ఘర్షణలు చెలరేగవచ్చని హెచ్చరించారు. 24 గంటలూ సిద్ధంగా ఉండాలని, అన్ని దళాల్లో వైమానిక రక్షణ అవసరమని అన్నారు. పాకిస్థాన్ నేవీ తమ హార్బర్లకే పరిమితం అయ్యేలా చేశామని వెల్లడించారు. సముద్ర మార్గాలను కాపాడుతూ ఇండో పసిఫిక్ అంతటా నేవీ కార్యకలాపాలు కొనసాగిస్తోందని చెప్పారు.


