News February 21, 2025
రేఖా సీఎం కావాలంటూ 22 రోజులుగా నిల్చునే..!
రేఖా గుప్తా ఢిల్లీ CM కావాలని ప్రార్థిస్తూ ఓ యువకుడు 22 రోజులుగా నిల్చునే ఉన్నాడు. రేఖా స్వస్థలం హరియాణాలోని నంద్గఢ్కు చెందిన 24 ఏళ్ల ప్రవీణ్ ఆమెపై అభిమానంతో ఈ దీక్ష చేపట్టాడు. జాబితాలో ఆమె పేరు రాగానే, ఎన్నికల్లో గెలవాలని, ఆ తర్వాత CM కావాలని దీక్ష ప్రారంభించాడు. మధ్యమధ్యలో కొద్దిసేపు ఆహారం, టాయిలెట్ కోసం బ్రేక్ తీసుకుంటూ కొనసాగించాడు. ఈ దీక్షను మరో 19 రోజులు కొనసాగిస్తానని ఆ యువకుడు తెలిపాడు.
Similar News
News December 31, 2025
మ్యూచువల్ ఫండ్ల రికార్డు జోరు.. ఏడాదిలో ₹14 లక్షల కోట్లు జంప్
2025లో మ్యూచువల్ ఫండ్ల మార్కెట్ దుమ్మురేపింది. సామాన్యులు SIPల ద్వారా భారీగా పెట్టుబడులు పెట్టడంతో ఈ ఏడాది పరిశ్రమ ఆస్తుల విలువ ఏకంగా ₹14 లక్షల కోట్లు పెరిగింది. దీంతో మొత్తం ఆస్తుల విలువ (AUM) రికార్డు స్థాయిలో ₹81 లక్షల కోట్లకు చేరింది. సుమారు 3.3 కోట్ల మంది కొత్త ఇన్వెస్టర్లు చేరడం విశేషం. విదేశీ సంస్థలు వెనక్కి తగ్గుతున్నా.. మనవాళ్ల SIP పెట్టుబడులు మార్కెట్ను బలంగా నిలబెట్టాయి.
News December 31, 2025
టెన్త్ అర్హతతో ఫెడరల్ బ్యాంక్లో ఉద్యోగాలు
ఫెడరల్ బ్యాంక్ ఆఫీస్ అసిస్టెంట్ పోస్టుల భర్తీకి నోటిఫికేషన్ విడుదల చేసింది. టెన్త్ అర్హతగల వారు JAN 8 వరకు అప్లై చేసుకోవచ్చు. అభ్యర్థుల వయసు 18 -20 ఏళ్ల మధ్య ఉండాలి. రిజర్వేషన్ గలవారికి ఏజ్లో సడలింపు ఉంది. ఆప్టిట్యూడ్ టెస్ట్, పర్సనల్ ఇంటర్వ్యూ ద్వారా ఎంపిక చేస్తారు. ఆన్లైన్ ఆప్టిట్యూడ్ టెస్ట్ FEB 1న నిర్వహిస్తారు. దరఖాస్తు ఫీజు రూ.500, SC,STలకు రూ.100. వెబ్సైట్: https://www.federal.bank.in
News December 31, 2025
VHT: 14 సిక్సర్లతో సర్ఫరాజ్ విధ్వంసం
విజయ్ హజారే ట్రోఫీలో గోవాతో జరుగుతున్న మ్యాచులో ముంబై బ్యాటర్ సర్ఫరాజ్ ఖాన్ విధ్వంసం సృష్టించారు. 75 బంతుల్లో 9 ఫోర్లు, 14 సిక్సర్లతో 157 రన్స్ చేశారు. దీంతో 50 ఓవర్లలో ముంబై 444/8 స్కోరు చేసింది. ఉత్తరాఖండ్తో మ్యాచులో మహారాష్ట్ర కెప్టెన్ రుతురాజ్ గైక్వాడ్ 124 రన్స్ చేశారు. అటు పుదుచ్చేరితో మ్యాచులో కర్ణాటక ఓపెనర్లు మయాంక్ అగర్వాల్(132), దేవదత్ పడిక్కల్(113) శతకాల మోత మోగించారు.