News July 27, 2024

ఆ రోజున సెలవు ఇవ్వాలని సీఎంకు వినతి

TG: ఆగస్టు 9న అంతర్జాతీయ ఆదివాసీ దినోత్సవం సందర్భంగా సెలవు ప్రకటించాలని మంత్రి సీతక్క సహా ఆదివాసీ ఎమ్మెల్యేలు సీఎం రేవంత్ రెడ్డిని కోరారు. ‘ప్రపంచ దేశాలు, కొన్ని ఆదివాసీ రాష్ట్రాలు ఆగస్టు 9న సెలవు ప్రకటించాయి. ఆ రోజున ఆదివాసీలకు సంబంధించిన సాంస్కృతిక, సంప్రదాయ కార్యక్రమాలు చర్చించుకోవడానికి వారు అవకాశం కల్పిస్తున్నారు. తెలంగాణలోనూ సెలవు ఇవ్వండి’ అని సీఎంకు విజ్ఞప్తి చేశారు.