News July 5, 2024

నిరుద్యోగులంటే రేవంత్‌కు ప్రేమ, గౌరవం లేదు: కేటీఆర్

TG: సీఎం రేవంత్ రెడ్డికి నిరుద్యోగులపై ప్రేమ, గౌరవం లేదని మాజీ మంత్రి కేటీఆర్ విమర్శించారు. ప్రభుత్వాన్ని ప్రశ్నించిన యువతను అక్రమంగా అరెస్ట్ చేయడం దారుణమని మండిపడ్డారు. ‘తెల్ల దొరల కన్నా దారుణంగా పాలిస్తున్నారు. ఇది ప్రజాపాలన కాదు.. ప్రజాకంఠక పాలన. నిరుద్యోగ యువతను నమ్మించి వంచించింది. ఉద్యోగాలు ఇవ్వలేకపోయినందుకు వెంటనే ప్రభుత్వం వారికి క్షమాపణలు చెప్పాలి’ అని ఆయన డిమాండ్ చేశారు.