News September 17, 2024
ఒకే వేదికపైకి రేవంత్, కేటీఆర్!

TG: ఒకరిపై మరొకరు నిత్యం తీవ్ర విమర్శలు చేసుకునే సీఎం రేవంత్ రెడ్డి, బీఆర్ఎస్ వర్కింగ్ ప్రెసిడెంట్ కేటీఆర్ ఒకే వేదికను పంచుకోనున్నట్లు తెలుస్తోంది. ఇటీవల మరణించిన సీపీఎం జాతీయ ప్రధాన కార్యదర్శి సీతారాం ఏచూరి సంస్మరణ సభను ఈనెల 21న హైదరాబాద్లో నిర్వహించనున్నారు. ఈ కార్యక్రమానికి సీఎంతో పాటు కేటీఆర్కు ఆహ్వానం పంపామని, వారు పాల్గొంటారని సీపీఎం రాష్ట్ర కార్యదర్శి తమ్మినేని వీరభద్రం తెలిపారు.
Similar News
News November 29, 2025
సూర్యాస్తమయం తర్వాత గోళ్లు కత్తిరించుకోవచ్చా?

సూర్యాస్తమయం తర్వాత గోళ్లు కత్తిరించడం అపశకునమని హిందూ సంప్రదాయంలో భావిస్తారు. అయితే ఈ నియమం వెనుక ఓ కారణం ఉందని మీకు తెలుసా? పూర్వం విద్యుత్తు దీపాలు ఉండేవి కాదు. దీపాల వెలుగులో గోళ్లు కత్తిరించుకుంటే తెగడం, గాయాలు కావడం, కత్తిరించిన గోళ్లు ఎక్కడ పడ్డాయో తెలియకపోవడం జరిగేది. అలాగే పరిశుభ్రత కూడా లోపించేది. అందుకే ఈ ప్రమాదాలను నివారించడానికి, పరిశుభ్రతను పాటించడానికి ఈ నియమాన్ని పెట్టారు.
News November 29, 2025
రేపు, ఎల్లుండి అతిభారీ వర్షాలు

తెలంగాణలోని పలు ప్రాంతాల్లో ఇవాళ తేలికపాటి నుంచి మోస్తరు వర్షాలు పడే అవకాశముందని HYD వాతావరణ కేంద్రం తెలిపింది. రేపు, ఎల్లుండి మహబూబ్నగర్, నాగర్ కర్నూల్, వనపర్తి, నారాయణపేట, గద్వాల్ జిల్లాల్లో అక్కడక్కడ భారీ వర్షాలు కురుస్తాయంది. అటు ఏపీలో రేపు, ఎల్లుండి దక్షిణకోస్తా, రాయలసీమ ప్రాంతాల్లో భారీ వర్షాలు, కొన్నిచోట్ల అతిభారీ వర్షాలు కురుస్తాయని APSDMA పేర్కొంది.
News November 29, 2025
అగార్కర్తోనూ చర్చలు జరపనున్న బీసీసీఐ!

సౌతాఫ్రికాతో టెస్టు సిరీస్ ఓటమి తర్వాత హెడ్ కోచ్ గంభీర్పై తీవ్ర విమర్శలొచ్చిన విషయం తెలిసిందే. అయితే గంభీర్ పదవికి ఎలాంటి ప్రమాదం లేదని BCCI చెప్పినట్లు వార్తలొచ్చాయి. అటు చీఫ్ సెలక్టర్ అగార్కర్పై కూడా ట్రోలింగ్ జరిగింది. సెలక్షన్ కమిటీ నిర్ణయాలే వైఫల్యానికి కారణమంటూ విమర్శలొచ్చాయి. ఈ నేపథ్యంలోనే టెస్టుల్లో టీమ్ ఇండియా ప్రదర్శనపై అగార్కర్ బృందంతోనూ BCCI చర్చలు జరపనున్నట్లు తెలుస్తోంది.


