News November 24, 2024
రేవంత్.. ఎవర్ని పిచ్చోళ్లను చేస్తున్నావ్?: KTR
TG: కొడంగల్‌లో నిర్మించేది పారిశ్రామిక కారిడార్ అని CM రేవంత్ చేసిన ప్రకటనపై KTR స్పందించారు. ‘ప్రభుత్వ గెజిట్ నోటిఫికేషన్‌లో కొడంగల్‌లో భూసేకరణ ఫార్మా విలేజ్‌ల కోసం అని స్పష్టంగా ఉంది. నువ్వు కూడా పలుమార్లు ప్రకటించావు. తొండలు గుడ్లు పెట్టని భూములు అంటూ బాతాఖానీ కొడితివి. ఇప్పుడు ఫార్మాసిటీ కాదు ఇండస్ట్రియల్ కారిడార్ అని మాట మార్చి ఎవర్ని పిచ్చోళ్లను చేస్తున్నావ్?’ అని ప్రశ్నించారు.
Similar News
News November 24, 2024
నా వ్యక్తిత్వాన్ని మార్చుకోలేను: అభిషేక్ బచ్చన్
ఐశ్వ‌ర్యరాయ్‌తో విడాకులు వంటి నెగెటివ్ ప్ర‌చారాన్ని హ్యాండిల్ చేయ‌డంపై అభిషేక్ బచ్చన్ స్పందించారు. ‘వ్య‌క్తిగా మ‌నం ఏంట‌న్న‌ది స్థిరంగా ఉండాలి. ప‌రిస్థితుల‌కు తగ్గట్టుగా ముందుకెళ్లాలి. లేక‌పోతే వెనుక‌బ‌డిపోతాం. కానీ మ‌న మౌలిక విలువలు మారకూడదు. చెడు దాని స్వభావాన్ని మార్చుకోనప్పుడు, మంచి మాత్రం ఎందుకు మార్చుకోవాలి? నేను నా వ్యక్తిత్వాన్ని మార్చుకోలేను’ అని పేర్కొన్నారు.
News November 24, 2024
ఆస్ట్రేలియా చేరుకున్న హిట్‌మ్యాన్
టీమ్ ఇండియా కెప్టెన్ రోహిత్ శర్మ ఆస్ట్రేలియా చేరుకున్నారు. హోటల్‌కు కాకుండా తొలి టెస్టు జరుగుతున్న పెర్త్ స్టేడియానికి చేరుకున్నారు. కాగా వ్యక్తిగత కారణాల వల్ల హిట్‌మ్యాన్ తొలి టెస్టుకు దూరమయ్యారు. మెల్‌బోర్న్‌లో జరిగే రెండో టెస్టులో ఆయన ఆడతారు. తొలి టెస్టు ఆడకపోయినా ఆయన జట్టుతో పాటే ఉండనున్నారు.
News November 24, 2024
WhatsAppలో కొత్త ఫీచర్.. ఇక సీక్రెట్‌గా చదువుకోవచ్చు
ఆడియో సందేశాల‌ను Text రూపంలోకి మార్చే కొత్త ఫీచర్ వాట్సాప్‌లో త్వరలో అందుబాటులోకి రానుంది. కీల‌క స‌మావేశాల్లో ఉన్న‌ప్పుడు వ‌చ్చే ఆడియో సందేశాలు, ఎవ‌రూ విన‌కూడ‌ద‌నుకున్న వాటిని టెక్ట్స్ రూపంలోకి క‌న్వ‌ర్ట్ చేసుకొని చదువుకోవచ్చు. దీనిని Settings-Chats-Transcription ఆప్ష‌న్‌ను ఉప‌యోగించి ఎనేబుల్ చేసుకోవ‌చ్చు. అనంత‌రం ఆడియో మెసేజ్‌ల‌పై లాంగ్ ప్రెస్ చేసి Text ఫార్మాట్‌లోకి మార్చుకోవ‌చ్చు.