News November 25, 2024
డిసెంబర్ 1 నుంచి రెవెన్యూ సదస్సులు
AP: భూ సమస్యల పరిష్కారమే లక్ష్యంగా DEC 1 నుంచి రెవెన్యూ సదస్సులు నిర్వహించేందుకు ప్రభుత్వం సిద్ధమైంది. గ్రామ, మండల స్థాయిలో సభల ద్వారా ఫిర్యాదులు స్వీకరించి 45 రోజుల్లో పరిష్కరించేందుకు చర్యలు తీసుకోనుంది. వీటి పర్యవేక్షణకు ఓ సీనియర్ ఐఏఎస్‌ను ప్రతి జిల్లాకు నోడల్ అధికారిగా నియమించనుంది. భూఆక్రమణలు, సరిహద్దు వివాదాలు, మ్యుటేషన్లు, రికార్డుల్లో మార్పులు లాంటి సమస్యలపై ప్రత్యేక దృష్టిసారించనుంది.
Similar News
News November 29, 2025
MSTC లిమిటెడ్‌లో భారీ జీతంతో ఉద్యోగాలు.. అప్లై చేశారా?
మెటల్ స్క్రాప్ ట్రేడ్ కార్పొరేషన్ (MSTC)లో 37 మేనేజ్‌మెంట్ ట్రైనీ పోస్టులకు అప్లై చేయడానికి రేపే ఆఖరు తేదీ. BE/ బీటెక్/MCA, డిగ్రీ/PG, LLB/LLM, CA/CMA/ MBA అర్హతగల అభ్యర్థులు అప్లై చేసుకోవచ్చు. CBT, గ్రూప్ డిస్కషన్, ఇంటర్వ్యూ ద్వారా ఎంపిక చేస్తారు. దరఖాస్తు ఫీజు రూ.500, SC, ST, PWBDలకు ఫీజు లేదు. ఎంపికైనవారికి నెలకు రూ.50,000-రూ.1,60,000 వరకు చెల్లిస్తారు. వెబ్‌సైట్: https://www.mstcindia.co.in/
News November 29, 2025
తెలంగాణ న్యూస్ రౌండప్
✎ గ్లోబల్ సమ్మిట్ అధికారిక లోగో‌ను విడుదల చేసిన ప్రభుత్వం(పైన ఫొటోలో)
✎ కేసీఆర్ దీక్ష లేకుంటే తెలంగాణ రాష్ట్రమే లేదు: హరీశ్ రావు
✎ వందేభారత్‌లో వరంగల్ వెళ్లిన కేంద్రమంత్రి కిషన్ రెడ్డి.. రైల్వే స్టేషన్ అభివృద్ధి పనుల పరిశీలన
✎ తొలి విడత సర్పంచ్ ఎన్నికల నామినేషన్లకు చివరిరోజు కావడంతో భారీగా దాఖలయ్యే అవకాశం
News November 29, 2025
రేసింగ్‌లో రాణిస్తున్న అతిక మీర్‌
భారత రేసింగ్‌ సంచలనం అతిక మీర్‌ అంతర్జాతీయంగా రికార్డులు సృష్టిస్తోంది. శ్రీనగర్‌కు చెందిన పదేళ్ల అతిక UAEలో కార్టింగ్‌ ఛాంపియన్‌షిప్‌ గెలిచిన భారత తొలి మహిళా రేసర్‌గా చరిత్ర సృష్టించింది. F1 అకాడమీతో ఒప్పందం చేసుకున్న మొదటి ఆసియా మహిళా రేసర్‌గానూ నిలిచింది. 2024లో ఇటలీలో రొటాక్స్‌ యూరో ఛాంపియన్‌షిప్‌, ఈ ఏడాది ఫ్రాన్స్‌లో రొటాక్స్‌ టోర్నీలోనూ మైక్రోమ్యాక్స్‌ కేటగిరిలో ట్రోఫీ కైవసం చేసుకుంది.