News August 14, 2024
REWIND: సచిన్ తొలి సెంచరీ చేసిన రోజు
క్రికెట్ దిగ్గజం సచిన్ టెండూల్కర్ పేరిట 100 అంతర్జాతీయ సెంచరీలున్నాయి. ఎన్ని శతకాలున్నా తొలి సెంచరీ ఎప్పటికీ ప్రత్యేకమే. ఆ తొలి సెంచరీని ఆయన 1990, ఆగస్టు 14న ఇంగ్లండ్తో మాంచెస్టర్లో జరిగిన టెస్టులో చేశారు. సరిగ్గా 34 ఏళ్ల క్రితం జరిగిన ఆ మ్యాచ్లో 119 పరుగులతో అజేయంగా నిలిచి అప్పటికి టెస్టు సెంచరీ చేసిన రెండో అతి చిన్న ఆటగాడిగా(17 ఏళ్లు) చరిత్ర సృష్టించారు.
Similar News
News January 19, 2026
గణతంత్ర పరేడ్లో కీరవాణి నాదం.. తెలుగు వ్యక్తికి దక్కిన గౌరవం!
స్టార్ మ్యూజిక్ డైరెక్టర్, ఆస్కార్ విజేత కీరవాణి ఖాతాలో మరో అరుదైన గౌరవం చేరనుంది. ‘వందేమాతరం’ గీతం 150 ఏళ్లు పూర్తి చేసుకున్న సందర్భంగా ఈ ఏడాది ఢిల్లీలో జరిగే గణతంత్ర దినోత్సవ పరేడ్కు సంగీతం అందించే బాధ్యతను ఆయన చేపట్టనున్నారు. కేంద్ర సాంస్కృతిక మంత్రిత్వ శాఖ ఆధ్వర్యంలో దేశవ్యాప్తంగా ఉన్న 2500 మంది కళాకారులు ఈ చరిత్రాత్మక ఘట్టంలో భాగం కానున్నారు. ఈ విషయాన్ని కీరవాణి X వేదికగా వెల్లడించారు.
News January 19, 2026
ముంబై మేయర్ పీఠం BJPకి దక్కేనా?
ముంబై మేయర్ ఎవరనే దానిపై ఉత్కంఠ కొనసాగుతోంది. ఇటీవల జరిగిన మున్సిపోల్స్ ఫలితాల్లో అతిపెద్ద పార్టీగా అవతరించిన BJPకి మేయర్ పీఠం దక్కే అవకాశాలు ఎక్కువగా ఉన్నాయి. మొత్తం 227 వార్డుల్లో బీజేపీ (89), శివసేన (29) కూటమి 118 సీట్లు సాధించింది. 28న జరిగే కౌన్సిలర్ల మీటింగ్లో మేయర్ను ఎన్నుకోనున్నారు. శివసేన (UBT) 65, MNS 6, కాంగ్రెస్ కూటమి 24, AIMIM 8, మిగిలిన చోట్ల ఇతరులు విజయం సాధించారు.
News January 19, 2026
‘ది లయన్ కింగ్’ కో డైరెక్టర్ కన్నుమూత
యానిమేటెడ్ మూవీ ‘ది లయన్ కింగ్’(1994) కో-డైరెక్టర్ రోజర్ అల్లర్స్(76) మరణించారు. శాంటా మోనికాలోని తన నివాసంలో అనారోగ్యంతో మరణించినట్లు సన్నిహిత వర్గాలు తెలిపాయి. ప్రముఖ నిర్మాణ సంస్థ డిస్నీలో పలు చిత్రాలకు పని చేశారు. అలాద్దీన్(1992), ఓలివర్&కంపెనీ(1988), బ్యూటీ&ది బీస్ట్ వంటి చిత్రాలకు వర్క్ చేశారు. ఆయన మరణంపై డిస్నీ CEO బాబ్ ఇగర్ విచారం వ్యక్తం చేశారు. వెటరన్ దర్శకుడికి నివాళులు అర్పించారు.