News December 29, 2024
REWIND: బేగంపేట ఎయిర్‌పోర్టులో మన్మోహన్ సింగ్.. గుర్తుచేసుకుంటున్న ప్రజలు!
మాజీ ప్రధాని మన్మోహన్ సింగ్ ఇక లేరని తెలిసిన HYD ప్రజలు ఆయన జ్ఞాపకాలను గుర్తు చేసుకుంటున్నారు. బేగంపేట విమానాశ్రయానికి 2011 ఫిబ్రవరి 6న నగర పర్యటనకు వచ్చిన ఫొటోలను సోషల్ మీడియా వేదికగా ట్వీట్లు చేస్తూ, మహోన్నతమైన వ్యక్తిని కోల్పోవడం బాధగా ఉందని తమ సంతాపం వ్యక్తం చేస్తున్నారు. ఆయన ఆత్మకు శాంతి చేకూరడానికి తమ వంతు కృషి చేస్తామని పలువురు ట్వీట్లు చేశారు.
Similar News
News January 2, 2025
హైదరాబాద్ సీపీకి ఎమ్మెల్సీ కవిత ఫోన్ కాల్
హైదరాబాద్ సీపీకి ఎమ్మెల్సీ కవిత ఫోన్ చేశారు. నగరంలోని ఇందిరా పార్క్ వద్ద శుక్రవారం తలపెట్టిన బీసీ సభకు అనుమతి ఇవ్వాలని గురువారం ఫోన్ చేసి విజ్ఞప్తి చేశారు. సావిత్రిబాయి ఫూలే జయంతి సందర్భంగా సభ తలపెట్టామని అన్నారు. కాగా, ఇప్పటికే సభ సన్నాహాలపై కవిత బీసీ సంఘాలతో విస్తృతంగా సమావేశాలు జరిపారు. మహాసభ పోస్టర్‌ సైతం ఆవిష్కరించారు. అంతకుముందు ఆమె.. సభ గురించి మీడియాతో మాట్లాడారు.
News January 2, 2025
ALERT.. HYD: మాంజాతో గొంతులు తెగుతున్నాయ్!
సంక్రాంతి వచ్చిందంటే చాలు.. ఆకాశంలో గాలిపటాలు ఎగురుతుంటాయ్. చిన్నా, పెద్దా తేడా లేకుండా ఎగరవేస్తుంటారు. అయితే HYDలో కొందరు కైట్స్ ఎగరవేయడానికి చైనా మాంజా వాడుతుండడంతో రోడ్లపై వెళ్లే వారికి అవి ప్రమాదకరంగా మారాయి. గతంలో చైనా మాంజాతో గొంతులు తెగి ప్రాణాలు పోయిన సందర్భాలూ ఉన్నాయి. తాజాగా ఆసిఫ్‌నగర్‌లో ఒకరు, రంగారెడ్డి జిల్లా షాద్‌నగర్‌కు చెందిన దంపతులు బైకుపై వెళ్తుండగా మాంజాతో గాయాలపాలయ్యారు.
News January 2, 2025
HYD: సచివాలయంలో నేడు క్యాబినెట్ సబ్ కమిటీ భేటీ
సంక్రాంతి తర్వాత రాష్ట్రంలో రైతు భరోసా పథకాన్ని ప్రారంభిస్తామని ఇప్పటికే సీఎం రేవంత్ రెడ్డి ప్రకటించారు. ఇవాళ సచివాలయంలో డిప్యూటీ సీఎం భట్టి విక్రమార్క అధ్యక్షతన ఉదయం 11 గంటలకు క్యాబినెట్ సబ్ కమిటీ సమావేశం కానుంది. ఈ సబ్ కమిటీకి డిప్యూటీ సీఎం భట్టి విక్రమార్క ఛైర్మన్‌గా వ్యవహరించనుండగా.. మంత్రులు తుమ్మల నాగేశ్వరరావు, పొంగులేటి శ్రీనివాసరెడ్డి, శ్రీధర్ బాబు భేటి కానున్నారు.