News October 30, 2024
రిషభ్ పంత్కు రూ.30 కోట్లు: ఆకాశ్ చోప్రా
టీమ్ ఇండియా స్టార్ క్రికెటర్ రిషభ్ పంత్ వేలంలోకి వస్తే రూ.25 కోట్ల నుంచి రూ.30 కోట్లు పలుకుతారని మాజీ క్రికెటర్ ఆకాశ్ చోప్రా జోస్యం చెప్పారు. అతడి కోసం ఫ్రాంచైజీలు ఎగబడతాయని ఆయన అభిప్రాయపడ్డారు. ‘పంత్ కచ్చితంగా వేలంలోకి వచ్చే అవకాశం ఉంది. ఆయన ఎక్కువ రన్స్ చేసినా, చేయకపోయినా భారీ ధరకు అమ్ముడవుతాడని రాసిస్తా. PBKS, RCB, KKR, CSKతో పాటు MI కూడా పంత్ కోసం పోటీ పడతాయి’ అని ఆయన పేర్కొన్నారు.
Similar News
News January 20, 2026
గుజరాత్పై RCB ఘన విజయం
WPLలో RCB హవా కొనసాగుతోంది. గుజరాత్పై 61 రన్స్ తేడాతో ఘన విజయం సాధించింది. 179 పరుగుల లక్ష్యాన్ని ఛేదించడంలో GG జట్టు తడబడింది. కెప్టెన్ గార్డ్నర్(54) ఒంటరి పోరాటం వృథా అయ్యింది. మిగిలిన బ్యాటర్లు ఎవరూ పెద్దగా రాణించలేదు. RCB బౌలర్లలో సయాలి 3, నాడిన్ డి క్లెర్క్ 2, లారెన్ బెల్, రాధా యాదవ్, శ్రేయాంక తలో వికెట్ తీశారు. RCB వరుసగా 5 విజయాలు సాధించి 10 పాయింట్లతో టేబుల్ టాపర్గా కొనసాగుతోంది.
News January 20, 2026
వడ్డీ లేని రుణాల పంపిణీని వేగంగా పూర్తి చేయండి: భట్టి
TG: మహిళా స్వయం సహాయక సంఘాలకు వడ్డీ లేని రుణాల పంపిణీని వేగంగా పూర్తి చేయాలని అధికారులను Dy.CM భట్టి విక్రమార్క ఆదేశించారు. వడ్డీలేని రుణాలు, ఇందిరమ్మ చీరలపై మంత్రులు, అధికారులతో కాన్ఫరెన్స్ నిర్వహించారు. సంఘాల్లో లేని మహిళలను రేషన్ కార్డు ఆధారంగా గుర్తించి చీరలను అందజేయాలన్నారు. ఈరోజు మధిరలో భట్టి, నల్గొండ మున్సిపాలిటీలో మంత్రి కోమటిరెడ్డి మహిళా సంఘాలకు వడ్డీ లేని రుణాలను పంపిణీ చేశారు.
News January 20, 2026
నితీష్ ఫెయిలైనా అవకాశాలివ్వాలి: ఇర్ఫాన్ పఠాన్
NZతో జరిగిన మూడో వన్డేలో నితీష్ కుమార్ రెడ్డి హాఫ్ సెంచరీతో ఆకట్టుకున్నారు. దీనిపై స్పందించిన ఇర్ఫాన్ పఠాన్ నితీష్ను హార్దిక్ పాండ్యాకు సరైన బ్యాకప్గా అభివర్ణించారు. 135km వేగంతో బౌలింగ్, భారీ షాట్లు కొట్టగల బ్యాటింగ్ సామర్థ్యం అతనికి ఉందన్నారు. వరుసగా ఫెయిలైనా మరిన్ని అవకాశాలివ్వాలని సూచించారు. కోహ్లీతో కలిసి నితీష్ నెలకొల్పిన 88 పరుగుల భాగస్వామ్యం అతని టాలెంట్కు నిదర్శనమని పేర్కొన్నారు.