News August 17, 2024
జాతీయ అవార్డుపై రిషబ్ కీలక నిర్ణయం
కన్నడ స్టార్ హీరో రిషబ్ శెట్టి కీలక నిర్ణయం తీసుకున్నారు. తనకు వచ్చిన జాతీయ అవార్డును రాష్ట్రంలోని దేవ నర్తకులకి, దివంగత హీరో పునీత్ రాజ్ కుమార్‌కి, కన్నడ ఆడియన్స్‌కి అంకితం చేస్తున్నట్లు ప్రకటించారు. జాతీయ అవార్డు గెలవడం ఎంతో సంతోషాన్ని ఇచ్చిందన్నారు. తన ప్రయాణంలో భాగమైన ప్రతి ఒక్కరికీ ధన్యవాదాలు తెలియజేశారు. హొంబలే ఫిల్మ్స్ ‘కాంతార’ను నిర్మించగా భారీ విజయాన్ని అందుకున్న విషయం తెలిసిందే.
Similar News
News November 29, 2025
ముగిసిన తొలి విడత నామినేషన్ల ప్రక్రియ
TG: తొలి విడత గ్రామపంచాయతీ ఎన్నికలకు నామినేషన్ల ప్రక్రియ ముగిసింది. మొత్తంగా రెండు రోజుల్లో సర్పంచ్ స్థానాలకు 8,198 నామినేషన్లు, 11,502 వార్డు మెంబర్‌ నామినేషన్లు దాఖలు చేశారు. మొదటి దశలో 189 మండలాల్లోని 4,236 సర్పంచ్(గ్రామాలు), 37,440 వార్డు స్థానాలకు డిసెంబర్ 11న పోలింగ్, అదే రోజున లెక్కింపు జరగనుంది.
News November 29, 2025
మొబైల్ నంబర్ చాలు.. ఉచితంగా రూ.5 లక్షల వరకూ చికిత్స
ఆయుష్మాన్ భారత్ PMJAY పథకం ద్వారా ప్రతి కుటుంబానికి ఏడాదికి రూ.5 లక్షల వరకు ఉచిత చికిత్స లభిస్తుంది. ఇందుకు ఆయుష్మాన్ కార్డు ఉండాలి. ఆధార్‌కు లింక్ అయిన మొబైల్ నంబర్‌తో కార్డును సులభంగా డౌన్లోడ్ చేసుకోవచ్చు. beneficiary.nha.gov.in, ఆయుష్మాన్ యాప్ లేదా DigiLocker ద్వారా లాగిన్‌ అవ్వాలి. అనంతరం కుటుంబ సభ్యుడిని సెలక్ట్ చేసుకుని కార్డు డౌన్లోడ్ చేసుకోవచ్చు. కార్డు డౌన్లోడ్ పూర్తిగా ఉచితం.
News November 29, 2025
ఆయుష్మాన్ కార్డుకు మీరూ అర్హులేనా? చెక్‌ చేసుకోండిలా..
ఆయుష్మాన్ భారత్ PMJAY పథకం ద్వారా పేద, మధ్యతరగతి కుటుంబాలకు సంవత్సరానికి రూ.5లక్షల వరకు ఉచిత చికిత్స లభిస్తుంది. అయితే మీరు అర్హులా కాదా అనే విషయం తెలుసుకోవడానికి pmjay.gov.inలోని Am I Eligible? ఆప్షన్‌కి వెళ్లి ఫోన్ నంబర్, ఇతర వివరాలు ఎంటర్ చేసి ఆధార్ నంబర్‌తో సెర్చ్ చేయాలి. అర్హత ఉంటే కార్డు పొందవచ్చు. అధికారిక సైట్‌లో అప్లై చేసుకోవచ్చు. ఆఫ్‌లైన్‌లో అయితే సమీప ఆరోగ్య కేంద్రాన్ని సంప్రదించవచ్చు.