News August 8, 2025
‘కెప్టెన్ జురెల్’ అని RR పోస్ట్.. శాంసన్ ఫ్యాన్స్ షాక్!
ధ్రువ్ జురెల్‌ను కెప్టెన్‌గా పేర్కొంటూ రాజస్థాన్ రాయల్స్ ఆసక్తికర పోస్ట్ చేసింది. ‘స్టంప్స్ వెనుక ఆటను మార్చే వ్యక్తి ఒకరు ఉంటారు’ అని రాసుకొచ్చింది. అయితే <<17338073>>శాంసన్<<>> RRను వీడుతారనే ప్రచారం నడుమ ఇది కాస్త చర్చనీయాంశంగా మారింది. సంజూ స్థానంలో జురెల్‌కు పగ్గాలిచ్చారా? అని ఫ్యాన్స్ షాకయ్యారు. ట్విస్ట్ ఏంటంటే జురెల్ దులీప్ ట్రోఫీలో సెంట్రల్ జోన్‌కు కెప్టెన్సీ చేయనున్నారు. దాని గురించే RR పోస్టు చేసింది.
Similar News
News August 8, 2025
లంచ్ తర్వాత ఈ పనులు చేస్తున్నారా?
కొందరు మధ్యాహ్న భోజనం చేసిన వెంటనే కొన్ని పొరపాట్లు చేస్తుంటారు. అవి ఆరోగ్యంపై ప్రభావం చూపుతాయని ఆరోగ్య నిపుణులు హెచ్చరిస్తున్నారు. ‘లంచ్ చేసిన వెంటనే నిద్రకు ఉపక్రమిస్తే జీర్ణక్రియ మందగిస్తుంది. దీంతో గ్యాస్, అజీర్తి సమస్యలు వస్తాయి. తిన్న వెంటనే స్నానం చేయకూడదు. అలాగే కూల్ వాటర్, జ్యూసులు కూడా తీసుకోకూడదు. వాకింగ్ చేయకూడదు. ముఖ్యంగా లంచ్ తర్వాత సిగరెట్ తాగడం ప్రమాదకరం’ అని చెబుతున్నారు.
News August 8, 2025
Zach Vukusic: 18 ఏళ్లకే కెప్టెన్
క్రొయేషియాకు చెందిన జాక్ గ్జేవియర్ మిక్లీ వుకుసిక్ (17Y 312D) ఆ దేశ క్రికెట్ జట్టు కెప్టెన్‌గా ఎంపికయ్యారు. దీంతో 18 ఏళ్లకే అంతర్జాతీయ జట్టుకు కెప్టెన్ అయిన తొలి ఆటగాడిగా వుకుసిక్ చరిత్ర సృష్టించారు. ఇప్పటివరకు ఆయన 6 T20లే ఆడటం గమనార్హం. జాక్ తర్వాత నోమన్ అంజాద్ (18Y 24D), కార్ల్ హర్ట్‌మన్లెస్లే (18Y 276D), ఎర్డెన్ బుల్గాన్(18Y 324D), డికుబ్విమానా (19Y 327D) పిన్న వయసు కెప్టెన్లుగా చేశారు.
News August 8, 2025
పులివెందుల ZPTC గెలవాలి: చంద్రబాబు
AP: పులివెందుల ZPTC ఉపఎన్నికలో గెలవాలని కూటమి నేతలను సీఎం చంద్రబాబు ఆదేశించారు. గెలవాలనే సంకల్పంతో అందరూ కలిసి పనిచేయాలని సూచించారు. ఈ ఎన్నికపై కూటమి నేతలతో టెలీకాన్ఫరెన్స్ నిర్వహించిన ఆయన పులివెందులను మరింత అభివృద్ధి చేద్దామన్నారు. టీడీపీ హయాంలోనే పులివెందులకు కృష్ణా జలాలను అందించి పంటలను కాపాడినట్టు గుర్తుచేశారు. ప్రభుత్వం అందిస్తున్న పథకాలను ప్రజలకు వివరించాలని తెలిపారు.