News December 7, 2024

ఒక్కరోజులోనే రైతుల ఖాతాల్లో రూ.94 కోట్లు జమ: మంత్రి నాదెండ్ల

image

AP: ఖరీఫ్‌లో ఇప్పటి వరకు 1,67,299 మంది రైతుల నుంచి 11.63 లక్షల టన్నుల ధాన్యాన్ని కొనుగోలు చేసినట్లు మంత్రి నాదెండ్ల మనోహర్ వెల్లడించారు. నిన్న ఒక్కరోజే రికార్డు స్థాయిలో 40,811 టన్నుల ధాన్యాన్ని కొని రైతుల ఖాతాల్లో రూ.94 కోట్లు జమ చేశామన్నారు. ప్రస్తుతం రైతులు సమీపంలోని ఏ మిల్లుకైనా ధాన్యాన్ని తరలించుకునే సౌలభ్యం కల్పించామని తెలిపారు. 48 గంటల్లోనే వారికి డబ్బులు చెల్లిస్తున్నామని పేర్కొన్నారు.

Similar News

News November 30, 2025

మళ్లీ పెరిగిన చలి

image

TG: రాష్ట్రంలో 2 రోజులుగా చలి తీవ్రత పెరిగింది. శుక్రవారం రాత్రి నుంచి శనివారం ఉదయం వరకు 19జిల్లాల్లో 12డిగ్రీల కంటే తక్కువగా ఉష్ణోగ్రతలు నమోదయ్యాయి. అత్యల్పంగా సంగారెడ్డి జిల్లా కోహిర్‌లో 7.8డిగ్రీల టెంపరేచర్ నమోదైంది. అటు దిత్వా తుఫాను వల్ల పలు జిల్లాల్లో ఇవాళ వర్షాలకు ఛాన్స్ ఉందని వాతావరణశాఖ తెలిపింది. ఖమ్మం, నల్గొండ, సూర్యాపేట, నాగర్ కర్నూల్ జిల్లాల్లో వానలు పడతాయని అంచనా వేసింది.

News November 30, 2025

మహిళలను ‘దీర్ఘాయుష్మాన్ భవ’ అని దీవించకూడదా?

image

స్త్రీలను ‘దీర్ఘాయుష్మాన్ భవ’ అని దీవించకూడదని పండితులు చెబుతున్నారు. ఎందుకంటే.. ‘దీర్ఘాయుష్మాన్’ అనేది సంస్కృతంలో పురుషులను ఉద్దేశించి వాడే పదం. దీనికి ‘దీర్ఘాయుష్షు కలవాడివి అగుగాక’ అని అర్థం. సంస్కృత వ్యాకరణంలో లింగాన్ని బట్టి పదాలు మారుతాయి. అందుకే స్త్రీలను దీవించేటప్పుడు సరైన పద ప్రయోగం అయిన ‘దీర్ఘాయుష్మతీ భవ’ అని దీవించాలి. దీనికి ‘దీర్ఘాయుష్షు కలదానివి అగుగాక!’ అనే అర్థం వస్తుంది.

News November 30, 2025

నేటి నుంచే వన్డే సిరీస్.. భారత్ ప్రతీకారం తీర్చుకుంటుందా?

image

SA, భారత్ మధ్య 3 మ్యాచుల వన్డే సిరీస్ రాంచీ వేదికగా ఇవాళ మొదలుకానుంది. టెస్టు సిరీస్‌లో జరిగిన వైట్‌వాష్ నుంచి బయటపడి SAపై పూర్తి ఆధిపత్యం చూపాలని భారత ఫ్యాన్స్ కోరుకుంటున్నారు. రోహిత్, కోహ్లీ రాణిస్తే విజయానికి పెద్దగా కష్టపడక్కర్లేదని భావిస్తున్నారు. గాయంతో గిల్ దూరం కాగా రాహుల్ కెప్టెన్‌గా వ్యవహరించనున్నారు. 1.30PMకు మ్యాచ్ ప్రారంభం కానుంది. హాట్ స్టార్, స్టార్ స్పోర్ట్స్‌లో LIVE చూడొచ్చు.