News February 10, 2026
RTCలో 7,673 పోస్టుల భర్తీకి ప్రతిపాదనలు
AP: RTCలో 7,673 పోస్టులు ఖాళీగా ఉన్నట్లు అధికారులు రవాణాశాఖ మంత్రి రాంప్రసాద్ రెడ్డి దృష్టికి తీసుకువచ్చారు. సచివాలయంలో ఇవాళ మంత్రి సమీక్ష నిర్వహించారు. 2028లో పెద్ద సంఖ్యలో ఉద్యోగులు రిటైర్ కానున్నారని, డ్రైవర్లు, కండక్టర్లు, మెకానిక్స్ తదితర పోస్టులకు ప్రాధాన్యతతో భర్తీ చేయాలని ఆయన సూచించారు. 2025-26 DPC కింద అర్హులైన 7,514 మంది ఉద్యోగులకు ప్రమోషన్ల ప్రక్రియ కొనసాగుతుందని స్పష్టం చేశారు.
Similar News
News February 18, 2026
ఎందుకలా: ఉప్పగానే సముద్రపు నీరు..
వర్షం పడినప్పుడు నీరు గాలిలోని CO₂తో కలిసి ఆమ్లంగా మారుతుంది. ఆ తర్వాత నదుల్లోకి చేరి రాళ్లు, మట్టిని కరిగిస్తూ సోడియం, క్లోరైడ్ వంటి లవణాలను సముద్రంలో చేరుస్తుంది. ఆపై సూర్యుడి వేడితో నీరు ఆవిరైనప్పుడు లవణాలు సముద్రంలో మిగిలిపోతాయి. ఇలా కోట్లాది ఏళ్లుగా జరుగుతూ సముద్ర నీటి సగటు లవణీయత 3.5%కి చేరింది. ఇందులో 85% Nacl ఉంటుంది. సముద్ర గర్భంలో ఉండే హైడ్రోథర్మల్ వెంట్స్ కూడా లవణాల వృద్ధికి సాయపడతాయి.
News February 18, 2026
కరవు నుంచి జలసిరి.. అభినందించాల్సిందే!
మహారాష్ట్రలోని బన్సావర్గావ్ గ్రామస్థులు ఐకమత్యంతో కరవును జయించి ఆదర్శంగా నిలిచారు. ఒకప్పుడు 700 అడుగుల లోతున బోర్లు వేసినా చుక్క నీరు దొరకని స్థితి నుంచి నేడు ట్యాంకర్ రహిత గ్రామంగా తీర్చిదిద్దారు. ప్రజలంతా కలిసి ఐకమత్యంతో కాలువలు తవ్వడం, చెక్ డ్యామ్ల నిర్మాణం, బిందు సేద్యం చేపట్టడంతో భూగర్భ జలాలు పెరిగాయి. సంకల్పం ఉంటే ప్రకృతిని సైతం అనుకూలంగా మార్చుకోవచ్చని ఈ గ్రామం నిరూపించింది.
News February 18, 2026
ఫాల్గుణ మాసం: ఈ వ్రతం చేస్తే ఎంతో పుణ్యం
ఫాల్గుణ మాసంలో వయో వ్రతాన్ని ఆచరిస్తారు. దీన్నే ‘సర్వయజ్ఞ ఫలప్రదం’ అంటారు. అదితి దేవి తన కుమారులైన దేవతలకు తిరిగి స్వర్గరాజ్యం లభించాలని ఈ వ్రతాన్ని ఆచరించిందట. అలా వామనుడిని పుత్రుడిగా పొందిందని పురాణ గాథ. కోరిన కోరికలు నెరవేరడానికి, సంతాన ప్రాప్తికి, ఐశ్వర్యాన్ని పొందడానికి, కష్టాల నుంచి విముక్తి కోసం ఈ వ్రతాన్ని ఆచరిస్తారు. దీన్ని అన్ని వ్రతాలలోకెల్లా ఉత్తమమైనదిగా పరిగణిస్తారు.