News August 16, 2025
రష్యాకు యుద్ధం ఆపే ఉద్దేశం లేదు: జెలెన్‌స్కీ
రష్యా అధ్యక్షుడు పుతిన్‌కు యుద్ధం ఆపే ఉద్దేశం లేనట్లుందని ఉక్రెయిన్ అధ్యక్షుడు జెనెన్‌స్కీ పేర్కొన్నారు. ‘యుద్ధం ఆపబోతున్నాం అని మాస్కో నుంచి ఎలాంటి ఆర్డర్ రాలేదు. ఎలాంటి సిగ్నల్ కూడా ఇవ్వలేదు. ట్రంప్‌తో భేటీ జరుగుతున్న రోజూ వాళ్లు మా ప్రజలను చంపుతూనే ఉన్నారు’ అంటూ జెలెన్‌స్కీ వ్యాఖ్యానించారు. పుతిన్‌తో సీజ్ ఫైర్‌కు ట్రంప్ ఒప్పిస్తారా? ఇప్పుడు ప్రపంచ దేశాలన్ని ఆసక్తిగా ఎదురుచూస్తున్న విషయం ఇదే.
Similar News
News August 16, 2025
ఒక్క లైవ్ స్ట్రీమింగ్‌తో రూ.105 కోట్ల విరాళాలు
అత్యధిక సబ్‌స్క్రైబర్లు ఉన్న యూట్యూబర్ మిస్టర్ బీస్ట్ వేలాది మందికి ఏదో విధంగా సాయం చేస్తుంటారు. తాజాగా ఛారిటీ కోసం ఆయన లైవ్ స్ట్రీమింగ్ ఏర్పాటు చేసి తన ఫాలోవర్లు సైతం ఎంతో కొంత సాయం చేయాలని విజ్ఞప్తి చేశారు. దీనికి రికార్డు స్థాయిలో ఏకంగా $12,000,000 (రూ.105కోట్లు)కు పైగా విరాళాలు వచ్చినట్లు బీస్ట్ Xలో ప్రకటించారు. పేదలకు స్వచ్ఛమైన నీటిని అందించేందుకు ఈ నిధులను వెచ్చించనున్నారు.
News August 16, 2025
ట్రంప్-పుతిన్ భేటీపై జెలెన్‌స్కీ ఫస్ట్ రియాక్షన్
రష్యా-ఉక్రెయిన్ యుద్ధ ముగింపుపై ట్రంప్, పుతిన్ నిన్న రాత్రి అలస్కాలో <<17420790>>భేటీ<<>> అయిన విషయం తెలిసిందే. దీనిపై ఉక్రెయిన్ అధ్యక్షుడు జెలెన్‌స్కీ స్పందించారు. పుతిన్‌తో చర్చించిన విషయాలను ట్రంప్ ఫోన్ చేసి తనకు వివరించినట్లు చెప్పారు. తననూ చర్చలకు ఆహ్వానించినట్లు తెలిపారు. మరణాలు ఆపడం, యుద్ధం ముగించడంపై సోమవారం వాషింగ్టన్‌లో US అధ్యక్షుడితో ప్రత్యేకంగా సమావేశం అవుతానని వెల్లడించారు.
News August 16, 2025
కోర్టులకు ఆ అధికారం ఉండదు: కేంద్రం
బిల్లుల ఆమోదంపై గవర్నర్లు, రాష్ట్రపతికి గడువు <<16410549>>విధించే<<>> అధికారం కోర్టులకు ఉండదని సుప్రీంకోర్టులో కేంద్రం అఫిడవిట్ దాఖలు చేసింది. కొన్ని అంశాల్లో న్యాయస్థానం జోక్యం చేసుకుంటే రాజ్యాంగపర గందరగోళం తలెత్తే అవకాశముందని ‘తాము గడువు విధించవచ్చా?’ అని SC ఇచ్చిన నోటీసులకు బదులిచ్చింది. గడువు విధించడం వల్ల వాళ్ల స్థానాన్ని తగ్గించినట్లు అవుతుందని, వారి విధుల్లో లోపాలుంటే చట్టపరంగానే సరిదిద్దాలని సూచించింది.