News November 30, 2024
ఎదురుదాడి చేసే హక్కు రష్యాకు ఉంది: కిమ్
లాంగ్ రేంజ్ క్షిపణులను వాడటానికి ఉక్రెయిన్కు US అనుమతివ్వడంపై నార్త్ కొరియా నియంత కిమ్ స్పందించారు. ఇది నేరుగా యుద్ధంలో పాల్గొన్నట్లే భావించాల్సి ఉంటుందన్నారు. ఆత్మరక్షణలో భాగంగా ఎదురుదాడి చేసే హక్కు రష్యాకు ఉంటుందని, శత్రువులు మూల్యం చెల్లించుకునేలా చర్యలు తీసుకోవాల్సిందేనని చెప్పారు. తమ దేశంలో పర్యటిస్తున్న రష్యా రక్షణ మంత్రి బెలౌసోవ్తో కిమ్ ఈ వ్యాఖ్యలు చేసినట్లు కొరియా మీడియా వెల్లడించింది.
Similar News
News March 20, 2026
ఇక్కడి LPG మన అవసరాలకే: హైకోర్టు
దేశంలో గ్యాస్ కొరత నేపథ్యంలో ఆయిల్ రిఫైనరీ కంపెనీలు ఉత్పత్తి చేసే LPGని దేశీయ అవసరాలకు మాత్రమే వినియోగించాలని AP హైకోర్టు ఆదేశించింది. లేదంటే సామాన్య ప్రజలకు తీవ్ర నష్టం కలుగుతుందని స్పష్టం చేసింది. ఈ ఉత్తర్వులు అమలయ్యేలా చూడాలని కేంద్రాన్ని ఆదేశించింది. కాన్ఫిడెన్స్ పెట్రోలియం LPGని అంతర్జాతీయ మార్కెట్లో విక్రయిస్తోందంటూ దాఖలైన పిటిషన్ను విచారిస్తూ కోర్టు ఈ వ్యాఖ్యలు చేసింది.
News March 20, 2026
అకాల వర్షాలు.. పంట నష్టంపై రైతుకు భరోసా!
AP: అకాల వర్షాలతో దెబ్బతిన్న పంట నష్టాల వివరాలను ఎప్పటికప్పుడు సమర్పించాలని అధికారులను CM చంద్రబాబు ఆదేశించారు. కృష్ణా, నెల్లూరు, శ్రీసత్యసాయి, NTR, అనంతపురం, మన్యం జిల్లాల్లో నష్టం వాటిల్లినట్లు అధికారులు CM దృష్టికి తెచ్చారు. వాతావరణ పరిస్థితులపై రైతులను అప్రమత్తం చేయాలని CBN సూచించారు. మరోవైపు పంట నష్టపోయిన ప్రతి రైతుకూ సాయం చేసేలా ప్రభుత్వం చర్యలు తీసుకుంటుందని మంత్రి అచ్చెన్న భరోసా ఇచ్చారు.
News March 20, 2026
గల్ఫ్కు US ₹1.5 లక్షల కోట్ల ఆయుధాలు
UAE, కువైట్కు దాదాపు ₹1.5 లక్షల కోట్ల మిలిటరీ సేల్స్కు US ఆమోదం తెలిపింది. ఇందులో భాగంగా మిస్సైల్, డ్రోన్ డిఫెన్స్ సిస్టమ్ రాడార్లు, కౌంటర్ డ్రోన్ సిస్టమ్స్, మిస్సైల్స్, F-16 యుద్ధ విమానం కోసం వివిధ రకాల ఆయుధాలను అమ్మనుంది. US, ఇజ్రాయెల్పై ప్రతీకారంతో ఇరాన్ ఈ 2 దేశాల్లోని అమెరికా బేస్లను టార్గెట్ చేసుకుంటోంది. ఈ క్రమంలో కొన్ని ఆయిల్, గ్యాస్ ఫీల్డ్లూ లక్ష్యంగా మారుతున్నాయి.