News October 3, 2025
అజాద్ కశ్మీర్ వ్యాఖ్యలు.. స్పందించిన సనా మిర్
WWCలో భాగంగా PAK, BAN మ్యాచ్ సందర్భంగా పాక్ కామెంటేటర్ సనా మిర్ చేసిన <<17897473>>అజాద్ కశ్మీర్<<>> వ్యాఖ్యలు వివాదాస్పదమైన విషయం తెలిసిందే. దీనిపై ఆమె స్పందించారు. రాజకీయ కోణంలో తాను ఆ వ్యాఖ్యలు చేయలేదన్నారు. ప్లేయర్ నటాలియా పడిన కష్టాలను చెప్పే క్రమంలో ఆ పదాన్ని వాడినట్లు వివరించారు. అనుకోకుండా వాడిన పదానికి వివరణ ఇవ్వాల్సి రావడం బాధాకరమని వ్యాఖ్యానించారు. ఎవరినీ బాధపెట్టడం తన ఉద్దేశం కాదని తెలిపారు.
Similar News
News October 3, 2025
చంద్రముఖి, కాదంబినీ.. వీరి ప్రత్యేకత తెలుసా?
ఒకప్పుడు దేశంలో మహిళలు కట్టుబాట్ల పేరుతో ఎంతో వివక్షకు గురయ్యారు. అలాంటి కాలంలోనే పలువురు ధైర్యంగా ముందడుగు వేసి చరిత్రలో తమ పేజీని లిఖించుకున్నారు. పశ్చిమబెంగాల్‌కు చెందిన చంద్రముఖి బసు, కాదంబినీ గంగూలీ 1882లో కలకత్తా వర్సిటీ నుంచి బీఏ పట్టా పొందారు. దేశంలో గ్రాడ్యుయేషన్ పూర్తిచేసిన మొదటి మహిళలుగా రికార్డు సృష్టించారు. వీరు భారత స్త్రీలకు విద్యారంగంలో మార్గదర్శకులుగా నిలిచారు.
<<-se>>#FirstWomen<<>>
News October 3, 2025
రేవంత్ పాలనలో ఆర్థిక విధ్వంసం: KTR
TG: అరాచకత్వం, అనుభవలేమితో ఉన్న రేవంత్ పాలనలో రాష్ట్రం ఆర్థిక విధ్వంసానికి గురవుతోందని BRS వర్కింగ్ ప్రెసిడెంట్ కేటీఆర్ విమర్శించారు. సెప్టెంబర్‌లో GST వసూళ్లలో తెలంగాణ అట్టడుగున ఉండటం దారుణమని దుయ్యబట్టారు. రెండేళ్ల క్రితం KCR పాలనలో తెలంగాణ తొలి స్థానంలో ఉందని గుర్తు చేశారు. తమ హయాంలో ఆర్థిక వ్యవస్థ పరుగులు తీసిందని తెలిపారు. కాంగ్రెస్ పాలనలో అన్ని రంగాలూ నేల చూపులే చూస్తున్నాయని మండిపడ్డారు.
News October 3, 2025
రెండు దశల్లో బిహార్ ఎన్నికలు?
బిహార్‌లో అసెంబ్లీ ఎన్నికలు రెండు దశల్లో జరగనున్నట్లు తెలుస్తోంది. ఈ నెల 6న లేదా 7న నోటిఫికేషన్ వెలువడే అవకాశముంది. ఛఠ్ పండుగ తర్వాత అక్టోబర్ 31-నవంబర్ 2 మధ్య తొలి దశ ఎన్నికలు, 5-7 మధ్య రెండో దశ ఎలక్షన్ జరిగే అవకాశం ఉన్నట్లు సమాచారం. అదే నెల 10న ఫలితాలు రిలీజ్ చేస్తారని తెలుస్తోంది. ఈ ఎన్నికలతో పాటు దేశంలోని పలు అసెంబ్లీ స్థానాలకు బై పోల్స్ జరగనున్నాయి. ఇందులో జూబ్లీహిల్స్ ఉపఎన్నిక కూడా ఉంది.