News July 5, 2024
త్వరలో ఇసుక కాంట్రాక్టులు రద్దు?
AP: YCP హయాంలో ప్రైవేటు కంపెనీలకు ఇచ్చిన ఇసుక కాంట్రాక్టులను రద్దు చేయాలని TDP ప్రభుత్వం ప్రాథమికంగా నిర్ణయించింది. ఒప్పందాలను ఉల్లంఘించి ప్రతిమ ఇన్ఫ్రా, జీసీకేసీ పర్యావరణ విధ్వంసానికి పాల్పడటమే కారణాలుగా చెప్పనున్నట్లు తెలుస్తోంది. త్వరలోనే అధికారులు నోటీసులు ఇస్తారని సమాచారం. కాగా ఈ నెల 8 నుంచి ప్రభుత్వం ఉచిత ఇసుక విధానాన్ని ప్రారంభించనున్న విషయం తెలిసిందే. ఇకపై <<13561181>>రూ.88కే<<>> టన్ను ఇసుక అందనుంది.
Similar News
News March 15, 2026
‘మన మిత్ర’లో ఆరోగ్య సేవలు.. వాట్సాప్లో HI అని మెసేజ్ చేస్తే
AP: ‘మన మిత్ర’ వాట్సాప్ నంబర్ 9552300009 ద్వారా ఆరోగ్య సేవలూ అందుబాటులోకి వచ్చాయి. HI అని మెసేజ్ చేస్తే GOVT ఆస్పత్రుల్లో OP అపాయింట్మెంట్, హెల్త్ కార్డు, ఆరోగ్య శాఖ ఆప్షన్లు కనిపిస్తాయి. అక్కడ అడిగిన వివరాలు సమర్పించి క్యూలో నిలబడకుండా అపాయింట్మెంట్, రక్త నిల్వలు, ఔషధాల వివరాలు, NTR వైద్య సేవా కార్డు కింద ఆస్పత్రుల్లో అందే సేవలను పొందవచ్చు. కార్డులోని వివరాలనూ అప్డేట్ చేసుకోవచ్చు.#ShareIt
News March 15, 2026
వారిద్దరినీ వదులుకొని KKR తప్పు చేసింది: కుంబ్లే
KKR 2024లో మూడోసారి IPL ట్రోఫీ గెలవడంలో శ్రేయస్ అయ్యర్, ఫిల్ సాల్ట్లది కీలక పాత్ర అని మాజీ క్రికెటర్ అనిల్ కుంబ్లే చెప్పారు. అలాంటి వాళ్లను వదులుకోవడం కోల్కతా చేసిన మిస్టేక్ అని అభిప్రాయపడ్డారు. కీలక ప్లేయర్లను తమ వద్దే ఉంచుకోవడం ఎంత ముఖ్యమన్నది జట్టు అర్థం చేసుకోవాలని సూచించారు. లేదంటే టైటిల్ పోటీలో నిలవలేదని హెచ్చరించారు. కాగా ప్రస్తుతం శ్రేయస్ PBKS, సాల్ట్ RCBలో చేరిన విషయం తెలిసిందే.
News March 15, 2026
నావిక్కు అంతరాయం
GPSకు ప్రత్యామ్నాయంగా భారత్ అభివృద్ధి చేసిన NavIC(నావిగేషన్ విత్ ఇండియన్ కాన్స్టలేషన్)కు ఇబ్బంది ఎదురైంది. ఈ వ్యవస్థలో భాగంగా ఏర్పాటైన 4 శాటిలైట్ల(IRNSS)లో ఒకటి విఫలమైనట్లు ఇస్రో అధికారులు తెలిపారు. ఇందులోని 3 అటామిక్ క్లాక్లలో ఇప్పటికే 2 చెడిపోగా, చివరిదీ ఫెయిలవడంతో నావిగేషన్, పొజిషనింగ్ సేవలు నిలిచిపోయాయన్నారు. 10ఏళ్ల కాలపరిమితితో ఈ ఉపగ్రహాన్ని 2016 మార్చి 10న ఇస్రో ప్రయోగించింది.