News April 29, 2024
శ్రీలంకకు అయోధ్య నుంచి సరయూ జలాలు

శ్రీలంక ప్రభుత్వం తమ దేశంలో సీతాదేవి ఆలయాన్ని నిర్మించింది. వచ్చే నెల 19న దాన్ని ప్రారంభించనుంది. ఈ నేపథ్యంలో ఆ దేశం చేసిన విజ్ఞప్తిని అనుసరించి ప్రాణ ప్రతిష్ఠ కార్యక్రమం కోసం యూపీ సర్కారు అయోధ్య నుంచి సరయూ జలాలను అక్కడికి పంపించనుంది. అయోధ్య తీర్ధ వికాస్ పరిషత్ ఈ విషయాన్ని తెలిపింది. ప్రత్యేక కలశంలో జలాల్ని పంపిస్తున్నామని, ఆ ఆలయంలో పూజలు కూడా నిర్వహిస్తామని వెల్లడించింది.
Similar News
News November 30, 2025
ఇవాళ, రేపు జాగ్రత్త: అనిత

AP: దిత్వా తుఫాను దూసుకొస్తున్న నేపథ్యంలో ఇవాళ, రేపు అధికారులు అప్రమత్తంగా ఉండాలని హోంమంత్రి అనిత సూచించారు. తుఫానుపై RTGS సెంటర్ నుంచి నెల్లూరు, తిరుపతి, కడప, చిత్తూరు, అన్నమయ్య జిల్లాల కలెక్టర్లతో ఆమె వీడియో కాన్ఫరెన్స్ నిర్వహించారు. క్షేత్రస్థాయిలో ప్రజలను ఎప్పటికప్పుడు అప్రమత్తం చేయాలని, ప్రాణనష్టం లేకుండా చర్యలు తీసుకోవాలని ఆదేశించారు. విద్యుత్ అంతరాయం కలిగితే వెంటనే పునరుద్ధరించాలన్నారు.
News November 30, 2025
సచిన్-ద్రవిడ్ రికార్డు బ్రేక్!

టీమ్ ఇండియా, సౌతాఫ్రికా మధ్య తొలి వన్డేలో రోహిత్ శర్మ-విరాట్ కోహ్లీ జోడీ అరుదైన ఘనత సాధించింది. లెజెండ్స్ సచిన్-ద్రవిడ్ నెలకొల్పిన రికార్డును బ్రేక్ చేసింది. వీళ్లిద్దరూ 391 అంతర్జాతీయ మ్యాచులు కలిసి ఆడగా, తాజా మ్యాచ్తో రోహిత్-కోహ్లీ దాన్ని అధిగమించారు. రాంచీ వేదికగా జరుగుతున్న మ్యాచ్లో 25 పరుగులకే జైస్వాల్(18) వికెట్ను టీమ్ ఇండియా కోల్పోయింది. క్రీజులో రోహిత్(3), కోహ్లీ(6) ఉన్నారు.
News November 30, 2025
VMMCSHలో 266 పోస్టులు

న్యూఢిల్లీలోని V.M.M.కాలేజీ &సఫ్దార్జంగ్ హాస్పిటల్(VMMCSH) 266 జూనియర్ రెసిడెంట్ పోస్టులకు దరఖాస్తులు కోరుతోంది. పోస్టును బట్టి ఎంబీబీఎస్, బీడీఎస్ అర్హత గల అభ్యర్థులు రేపటివరకు అప్లై చేసుకోవచ్చు. దరఖాస్తు ఫీజు రూ.1000, ఎస్సీ, ఎస్టీ, దివ్యాంగులకు ఫీజు లేదు. రాత పరీక్ష డిసెంబర్ 14న నిర్వహిస్తారు. ఎంపికైన వారికి నెలకు రూ.56,100 చెల్లిస్తారు. వెబ్సైట్: https://vmmc-sjh.mohfw.gov.in


