News September 14, 2024
విద్యార్థుల జీవితాలతో సర్కార్ చెలగాటం: KTR
TG: విద్యార్థుల జీవితాలతో ప్రభుత్వం చెలగాటం ఆడుతోందని BRS వర్కింగ్ ప్రెసిడెంట్ KTR విమర్శించారు. ‘అన్ని రాష్ట్రాల్లో MBBS, BDS అడ్మిషన్లు కొనసాగుతున్నా ఇక్కడ మాత్రం జరగటం లేదు. తెలంగాణ బిడ్డలను నాన్ లోకల్‌గా మార్చే కుట్ర జరుగుతోంది. స్థానికతపై ప్రభుత్వం ఎందుకు వివాదాస్పదం చేస్తోంది? BRS రాష్ట్రాన్ని డాక్టర్ల ఫ్యాక్టరీగా మారిస్తే కాంగ్రెస్ దానికి తూట్లు పొడుస్తోంది’ అని ఆయన ఎక్స్‌లో ఫైర్ అయ్యారు.
Similar News
News January 15, 2025
24 గంటల్లో Rs1.87 లక్షలు పెరిగిన BITCOIN
క్రిప్టో మార్కెట్లు గత 24 గంటల్లో అదరగొట్టాయి. మార్కెట్ విలువ 2.93% ఎగిసి $3.37Tకి చేరుకుంది. 57% మార్కెట్ డామినెన్స్ ఉన్న బిట్‌కాయిన్ $94,836 నుంచి 2.43% పెరిగి $97,043 వద్ద ట్రేడవుతోంది. అంటే $2207 (Rs1.87L) లాభపడింది. ఎథీరియం సైతం 2.81% ఎగిసి $3226 వద్ద చలిస్తోంది. XRP ఏకంగా 9.69% పెరిగి $2.79కు చేరుకుంది. BNB 1.54, SOL 2.75, DOGE 5.51, ADA 7.63, AVAX 4.18, XLM 7.81% మేర పెరిగాయి.
News January 15, 2025
ఇవాళ నాన్-వెజ్ తింటున్నారా?
సంక్రాంతి వేడుకల్లో నేడు ఆఖరి రోజు కనుమ. ఇవాళ తెలుగు రాష్ట్రాల ప్రజలు మాంసాహారం తినడానికి మొగ్గు చూపుతారు. తెలంగాణలో చాలా మంది నిన్న సంక్రాంతి రోజు సైతం నాన్-వెజ్ లాగించేశారు. ఈ రోజు తెలంగాణతో పాటు ఏపీలో భారీ స్థాయిలో చికెన్, మటన్ కొనుగోళ్లు జరిగే అవకాశం ఉంది. స్కిన్ లెస్ చికెన్ కేజీ ధర రూ.210 నుంచి రూ.230 వరకు ఉంది. మటన్ రేటు HYDలో రూ.850పైనే ఉంది. మరి ఇవాళ మీరు నాన్-వెజ్ తింటారా? కామెంట్ చేయండి.
News January 15, 2025
IMDకి నేటితో 150 ఏళ్లు
భారత వాతావరణ విభాగం(IMD) నేడు 150వ వార్షికోత్సవం జరుపుకుంటోంది. 1875, జనవరి 15న దీనిని అప్పటి బ్రిటిష్ ప్రభుత్వం స్థాపించింది. 1864, 1866, 1871లో తీవ్రమైన విపత్తులు సంభవించడంతో వాతావరణ పరిస్థితులను ముందుగా అంచనా వేసేందుకు దీనిని నెలకొల్పారు. వాతావరణ పరిస్థితుల్ని కచ్చితత్వంతో అంచనా వేయడంలో ప్రపంచంలోనే మూడో స్థానంలో ఉంది. హిందూ మహా సముద్ర తీరంలోని 13 దేశాలతో పాటు సార్క్ దేశాలకు సేవలందిస్తోంది.