News September 30, 2024
సత్యమేవ జయతే: YCP
AP: తిరుమలలో నెయ్యి కల్తీ వ్యవహారంలో విచారణ సందర్భంగా సుప్రీంకోర్టు చేసిన వ్యాఖ్యలపై వైసీపీ స్పందించింది. నెయ్యి కల్తీ జరిగినట్లు ఆధారాలు లేవని, సెకండ్ ఒపీనియన్ ఎందుకు తీసుకోలేదంటూ ధర్మాసనం చేసిన వ్యాఖ్యలను ప్రస్తావించింది. ‘సత్యమేవ జయతే’ అని ట్వీట్ చేసింది.
Similar News
News September 30, 2024
మూసీ ప్రాజెక్టుతో హైడ్రాకు సంబంధం లేదు: రంగనాథ్
TG: మూసీ నదికి ఇరువైపులా సర్వేలతో హైడ్రాకు సంబంధం లేదని కమిషనర్ ఏవీ రంగనాథ్ స్పష్టం చేశారు. ‘అక్కడి నివాసితులను హైడ్రా తరలించట్లేదు. కూల్చివేతలు చేపట్టడం లేదు. మూసీ సుందరీకరణ ప్రాజెక్టును మూసీ రివర్ ఫ్రంట్ డెవలప్‌మెంట్ కార్పొరేషన్ చేపడుతోంది. హైడ్రా పరిధి ఔటర్ రింగ్ రోడ్డు వరకే. TGలో ఇతర ప్రాంతాల్లో కూల్చివేతలను హైడ్రాకు ఆపాదించి ప్రజల్ని భయభ్రాంతులకు గురి చేస్తున్నారు’ అని రంగనాథ్ ఆక్షేపించారు.
News September 30, 2024
సుప్రీం సూచన చెంపపెట్టు: షర్మిల
AP: తిరుమల లడ్డూ వ్యవహారంలో సుప్రీంకోర్టు సూచన కేంద్ర, రాష్ట్ర ప్రభుత్వాలకు చెంప పెట్టులాంటిదని APCC చీఫ్ షర్మిల అన్నారు. మత రాజకీయాలు కాకుండా హిందువుల మనోభావాలే ముఖ్యమనుకుంటే కూటమి ప్రభుత్వం SC సూచనను పరిగణనలోకి తీసుకోవాలని డిమాండ్ చేశారు. కేసును CBIకి అప్పగిస్తేనే ఆందోళనలో ఉన్న కోట్లాది మంది భక్తులకు నిజానిజాలు వెల్లడవుతాయని చెప్పారు. కల్తీ ఎలా జరిగింది? నిందితులెవరనేది తేల్చాలన్నారు.
News September 30, 2024
‘విశ్వంభర’ టీజర్‌ వచ్చేది అప్పుడేనా..?
మెగాస్టార్ చిరంజీవి నటిస్తున్న సోషియో ఫాంటసీ మూవీ ‘విశ్వంభర’ కోసం మెగాఫ్యాన్స్ ఆసక్తిగా ఎదురుచూస్తున్న సంగతి తెలిసిందే. ఈ సినిమా టీజర్‌ను దసరాకు రిలీజ్ చేసే అవకాశం ఉన్నట్లు తెలుస్తోంది. ఇప్పటికే రెడీ అయిందని, తుది మెరుగులు దిద్దుతున్నారని టాలీవుడ్‌ వర్గాలు చెబుతున్నాయి. ఇక సినిమాను వచ్చే ఏడాది జనవరి 10న విడుదల చేసేందుకు సన్నాహాలు జరుగుతున్నాయని సమాచారం.