News May 22, 2024
మోదీ పాత్రలో సత్యరాజ్.. నిజమేంటంటే?
ప్రధాని నరేంద్ర మోదీ బయోపిక్లో తాను నటిస్తున్నట్లు వస్తున్న వార్తలపై నటుడు సత్యరాజ్ స్పందించారు. తానూ ఈ వార్త చూశానని, అయితే.. ఈ విషయంలో ఎవరూ తనను సంప్రదించలేదని స్పష్టం చేశారు. తాజాగా ఓ తమిళ న్యూస్ వెబ్సైట్కు ఇచ్చిన ఇంటర్వ్యూలో ఆయన ఈ విషయం వెల్లడించారు. ప్రజలు సోషల్ మీడియాలో కనిపించిన యాదృచ్ఛిక వార్తలను షేర్ చేస్తుంటారని ఆయన అన్నారు. బాహుబలిలో ‘కట్టప్ప’గా సత్యరాజ్ పాపులరైన విషయం తెలిసిందే.
Similar News
News December 20, 2025
దైవమే పాటించిన ధర్మం
శ్రీనివాసుడు పద్మావతిని వివాహం చేసుకోడానికి కుబేరుడి వద్ద అప్పు తీసుకున్నాడు. లోక నాయకుడైనప్పటికీ భూలోక నియమాలు పాటించి, పత్రం రాసిచ్చి, కలియుగాంతం వరకు వడ్డీ చెల్లిస్తానని మాటిచ్చారు. నేటికీ భక్తుల కానుకల రూపంలో ఆ రుణాన్ని తీరుస్తున్నారు. మనం ఎంత గొప్పవారమైనా సమాజ నియమాలను గౌరవించాలని, తీసుకున్న అప్పును బాధ్యతగా తిరిగి చెల్లించాలని, కష్టకాలంలో సాయం చేసిన వారి పట్ల కృతజ్ఞత ఉండాలని తెలుపుతుంది.
News December 20, 2025
అపరాల పంటల్లో బంగారు తీగ కలుపు నివారణ
అపరాల పంటలకు బంగారు తీగ కలుపు ముప్పు ఎక్కువ. అందుకే పంట విత్తిన వెంటనే ఎకరాకు 200L నీటిలో పెండిమిథాలిన్ 30% 1.25 లీటర్లను కలిపి పిచికారీ చేయాలి. వరి మాగాణిలో మినుము విత్తితే వరి పనలు తీసిన వెంటనే ఎకరాకు 1.25L పెండిమిథాలిన్ 30%ను 20KGల ఇసుకలో కలిపి పొలంలో చల్లాలి. అలాగే మినుము విత్తిన 20 రోజులకు ఎకరాకు 200 లీటర్ల నీటిలో ఇమజితాఫిర్ 10% 200mlను కలిపి పిచికారీ చేసి బంగారు తీగ కలుపును నివారించవచ్చు.
News December 20, 2025
ఎప్స్టీన్ ఫైల్స్.. వేలాది ఫొటోలు రిలీజ్
అమెరికా లైంగిక నేరగాడు ఎప్స్టీన్కు సంబంధించి US డిపార్ట్మెంట్ ఆఫ్ జస్టిస్(DOJ) మూడు లక్షలకు పైగా పేజీల రికార్డులను తాజాగా విడుదల చేసింది. ఎప్స్టీన్ ప్రైవేట్ ఐల్యాండ్లో బిల్క్లింటన్, ట్రంప్, మైకేల్ జాక్సన్ వంటి ప్రముఖులతో పాటు వందల మంది అమ్మాయిలు నగ్నంగా కనిపించే చిత్రాలు అందులో ఉన్నాయి. ఓ గదిలో బిల్క్లింటన్ అమ్మాయి డ్రెస్సులో ఉన్న పెయింటింగ్ సంచలనంగా మారింది.