News August 18, 2024
SCAM: రూ.500 కడితే రూ.7లక్షలు!
ఏపీలోని నెల్లూరులో మనీ స్కీమ్ పేరిట భారీ మోసం జరిగింది. పొదలకూరురోడ్డు ప్రాంతంలో విశ్వనాథ్ ఛారిటబుల్ ట్రస్ట్ ఏజెంట్లు ప్రజల నుంచి భారీగా డబ్బులు వసూలు చేశారు. చెన్నైలోని ఓ సంస్థ ద్వారా రూ.500 చెల్లిస్తే రూ.7లక్షలు, రూ.6,000 కడితే రూ.18లక్షలు ఇస్తామని చెప్పి నమ్మించారు. దీంతో దాదాపు 10వేల మందికి పైగా నగదు చెల్లించి మోసపోయారు. అధికారులు దీనిపై విచారణ జరిపి న్యాయం చేయాలని బాధితులు కోరుతున్నారు.
Similar News
News November 29, 2025
అభ్యర్థుల ప్రచార ఖర్చు పక్కాగా నమోదు చేయాలి: కలెక్టర్
గ్రామ పంచాయతీ ఎన్నికల్లో పోటీ చేసే అభ్యర్థుల ప్రచార ఖర్చులను నిర్ణీత ఫారంలో జాగ్రత్తగా నమోదు చేయాలని జిల్లా ఎన్నికల అధికారి, కలెక్టర్ రిజ్వాన్ బాషా షేక్ ఆదేశించారు. వ్యయ పరిశీలకులు జయశ్రీ, ఎంపీడీఓలతో ఆయన రివ్యూ నిర్వహించారు. ఖర్చుల నమోదు విషయంలో ఎలాంటి లోపాలు ఉండకూడదని సూచించారు.
News November 29, 2025
బిర్యానీ ₹150.. సమోసా ₹10: స్థానిక ఎన్నికల్లో ధరలు ఖరారు
TG: స్థానిక ఎన్నికల ప్రచారంలో అభ్యర్థులు చేసే ఖర్చుకు సంబంధించి పలు వస్తువుల ధరలను SEC విడుదల చేసింది. సమోసా ₹10, టీ ₹5, కాఫీ ₹10, బిర్యానీ ₹150గా నిర్ణయించింది. వాహనాలు, కండువాలు, ప్లెక్సీలు తదితర వస్తువులకూ ధరలను ప్రకటించింది. దీని ప్రకారం ప్రచారంలో వినియోగించిన వస్తువుల ఖర్చును లెక్కిస్తారు. అభ్యర్థులు తమ ఖర్చు లెక్కల్లో వీటిని చూపించాలి. లేకుంటే వ్యయ పరిశీలకులే ఈ ఖర్చును లెక్కలో వేస్తారు.
News November 29, 2025
ఐపీఎల్‌కు స్టార్ ప్లేయర్ గుడ్ బై
స్టార్ ప్లేయర్ డుప్లెసిస్ IPLకు వీడ్కోలు పలికారు. 14 సీజన్ల తర్వాత ఈ ఏడాది వేలంలో పాల్గొనట్లేదని పోస్ట్ చేశారు. తన ప్రయాణంలో మద్దతుగా నిలిచిన ప్రతీ కోచ్, తోటి ప్లేయర్లు, సపోర్ట్ స్టాఫ్, ఫ్యాన్స్‌కు ధన్యవాదాలు తెలియజేశారు. వచ్చే PSL సీజన్‌లో ఆడనున్నట్లు పేర్కొన్నారు. డుప్లెసిస్ IPL కెరీర్‌లో సీఎస్కే, పుణే(RPS), RCB, ఢిల్లీ జట్లకు ప్రాతినిధ్యం వహించగా 154 మ్యాచుల్లో 4,773 పరుగులు చేశారు.