News March 5, 2025
SLBC కార్మికుల కోసం జాగిలాలతో అన్వేషణ
TG: ఎస్ఎల్బీసీ సొరంగంలో చిక్కుకుపోయిన కార్మికుల కోసం అధికారులు జాగిలాలతో అన్వేషించారు. కానీ వారి జాడను అవి కనిపెట్టలేకపోయాయి. దీంతో చిన్నపాటి జేసీబీలను లోపలికి పంపి అడ్డుగా ఉన్న మట్టి, బురదను బయటకు తోడివేయాలని భావిస్తున్నారు. మరోవైపు నీటి ఊట భారీ ఎత్తున వస్తుండటంతో సహాయ చర్యలకు తీవ్ర ఆటంకంగా మారింది. రెండో కన్వేయర్ బెల్ట్ అందుబాటులోకి వస్తేనే పూర్తిస్థాయిలో సహాయక చర్యలు చేపట్టే అవకాశం ఉంది.
Similar News
News December 18, 2025
పాపం.. ఆయనకు ఒక్కరే ఓటేశారు!
TG: నిన్న మూడో విడత పంచాయతీ ఎన్నికల ఫలితాల సందర్భంగా యాదాద్రి(D) అడ్డగూడూర్(M) ధర్మారంలో విచిత్ర ఘటన వెలుగుచూసింది. ఒకటో వార్డులో మొత్తం 119 ఓట్లుండగా కప్పల గోపికి 118 ఓట్లు పడ్డాయి. ప్రత్యర్థికి ఒకే ఓటు పడింది. ఇక ఆదిలాబాద్(D) ఉండంలో కాంగ్రెస్ బలపరిచిన సర్పంచ్ అభ్యర్థి మహేందర్ తొలుత 4 ఓట్లతో ఓడిపోయినట్లు అధికారులు ప్రకటించారు. ఆయన రీకౌంటింగ్ కోరగా చివరికి మహేందరే 6 ఓట్లతో గెలుపొందారు.
News December 18, 2025
రూ.1.6 లక్షలు.. సైనికులకు ట్రంప్ క్రిస్మస్ గిఫ్ట్
అమెరికా అధ్యక్షుడు ట్రంప్ తమ దేశ సైనికులకు క్రిస్మస్ గిఫ్ట్ ప్రకటించారు. ఒక్కొక్కరికి రూ.1.6 లక్షల ($1,776) ‘వారియర్ డివిడెండ్’ ఇవ్వనున్నట్లు వెల్లడించారు. 1776లో దేశ స్థాపనకు గుర్తుగా ఆ మొత్తాన్ని మిలిటరీ సర్వీస్ మెంబర్లకు అందజేయనున్నట్లు తెలిపారు. ఇందుకు సంబంధించిన చెక్కులు సిద్ధమయ్యాయని, పండుగకు ముందే సైనికులకు అందుతాయని చెప్పారు. దేశంలోని 14.5 లక్షల మంది సోల్జర్లకు ఈ మొత్తం అందనుంది.
News December 18, 2025
పసిపిల్లలు బాగా పడుకోవాలంటే?
పసిపిల్లలు బాగా నిద్రపోవాలంటే వారు రోజూ ఒకే సమయానికి పడుకొనేలా అలవాటు చేయాలి. కడుపు నిండా పాలు పట్టించాలి. పిల్లలు నిద్రపోయే ప్రాంతం పరిశుభ్రంగా ఉండాలి. దోమలు, చీమలు లేకుండా చూడాలి. వాతావరణానికి తగ్గట్లు పక్క వేయాలి. తక్కువ వెలుతురు, శబ్దాలు ఉంటే సుఖంగా నిద్రపోతారు. పిల్లలతో చిన్నచిన్న ఆటలు ఆడించాలి. ఇది వారి కండరాలకు వ్యాయామంగా పనిచేసి, అలసిపోయేలా చేసి గాఢనిద్రకు దోహదం చేస్తాయి.