News July 28, 2024
వరుస ఉగ్రదాడులు.. జమ్మూకు 2,000 మంది జవాన్లు
ఇటీవల కాలంలో జమ్మూకశ్మీర్‌లో వరుసగా ఉగ్రదాడులు జరుగుతుండటంతో సామాన్యులు ఆందోళన చెందుతున్నారు. ముఖ్యంగా జమ్మూలోని రాజౌరీ, పూంచ్, కఠువా, ఉధంపుర్‌ జిల్లాల్లో జరిగిన ఘటనలు కలవరపెడుతున్నాయి. దీంతో కేంద్రం ఆ ప్రాంతాలకు 2వేలకు పైగా అదనపు BSF సిబ్బందిని తరలిస్తోంది. ఒడిశాలో మావో ఆపరేషన్లలో ఉన్న వారిని జమ్మూకు పంపుతోంది. కాగా ఈ ఏడాది ఉగ్రదాడుల్లో 11 మంది భద్రతా సిబ్బంది సహా 22 మంది ప్రాణాలు కోల్పోయారు.
Similar News
News November 30, 2025
సీఎం రేవంత్ పర్యటనను నిలిపివేయాలి: కవిత
TG: పంచాయతీ ఎన్నికల వేళ CM రేవంత్ జిల్లాల పర్యటనకు సిద్ధమవ్వడంపై MLC కవిత అభ్యంతరం తెలిపారు. ‘ప్రభుత్వ సొమ్ముతో ప్రచారమా? ఎన్నికలు గ్రామాల్లో ఉంటే CM జిల్లా కేంద్రాలకు వెళ్లి అభివృద్ధి కార్యక్రమాలకు శంకుస్థాపన చేస్తారట. ఇది ముమ్మాటికీ ఎన్నికల నిబంధనలను ఉల్లంఘించడమే. ఈ విషయంలో EC జోక్యం చేసుకుని CM పర్యటనను నిలిపివేయాలి’ అని ట్వీట్ చేశారు. ఈ విషయంపై కాసేపట్లో ఆమె ఈసీకి ఫిర్యాదు చేయనున్నారు.
News November 30, 2025
అధిక యూరియాతో పంటకు కలిగే నష్టాలు
చాలా మంది రైతులు ఎక్కువ దిగుబడి వస్తుందని పంటకు అధికంగా యూరియా వేస్తున్నారు. సిఫార్సుకు మించి వేసిన యూరియా ఒకేసారి నీటిలో కరిగిపోతుంది. 2-3 రోజుల్లో పంట కొంత వరకు మాత్రమే తీసుకోగలుగుతుంది. మిగిలింది వృథాగా భూమి లోపలి పొరల్లోకి, ఆవిరి రూపంలో గాలిలో కలిసిపోతుంది. దీని వల్ల ఎరువు నష్టంతో పాటు పంటను ఎక్కువగా పురుగులు, తెగుళ్లు ఆశించి బలహీన పరుస్తాయి. కాబట్టి నిపుణుల సిఫార్సు మేరకే యూరియా వేసుకోవాలి.
News November 30, 2025
RECORD: 20 ఓవర్లలో 310 రన్స్
సయ్యద్ ముస్తాక్ అలీ ట్రోఫీలో బెంగాల్‌‌పై పంజాబ్ 20 ఓవర్లలో 310/5 స్కోర్ చేసింది. టోర్నీ చరిత్రలో ఇదే సెకండ్ హయ్యెస్ట్ స్కోర్. అభిషేక్ శర్మ 148, ప్రభ్‌సిమ్రాన్ 70, రమణ్‌దీప్ 39 రన్స్ చేశారు. ఈ ఇన్నింగ్స్‌లో పంజాబ్ బ్యాటర్లు 28 సిక్సులు బాదారు. కాగా T20ల్లో అత్యధిక వ్యక్తిగత స్కోర్ చేసిన బ్యాటర్లలో అభిషేక్ రెండో స్థానంలో నిలిచారు. గత ఏడాది SMATలో 151 రన్స్ చేసిన తిలక్ వర్మ తొలి స్థానంలో ఉన్నారు.