News March 7, 2025
షమీ డ్రింక్ తాగడం తప్పుకాదు: షమీ చిన్ననాటి కోచ్
షమీ ఎనర్జీ డ్రింక్ తాగడంలో తప్పేం లేదని ఆయన చిన్ననాటి కోచ్ బడారుద్దీన్ సిద్ధిఖీ వ్యాఖ్యానించారు. ‘అన్నింటికంటే పౌరుడికి దేశమే మిన్న. మ్యాచ్ జరుగుతున్న సమయంలో ఆ డ్రింక్ షమీకి అవసరం. తను ఫైనల్ ఆడుతున్నాడు. భారత్ను గెలిపించాల్సి ఉంది. ఈ సమయంలో ఇలాంటి అంశాల్ని పెద్దవిగా చేయడం కరెక్ట్ కాదు. అతడేమీ నేరం చేయలేదు. దేశంకోసం ఆడుతున్నాడు. ఇవన్నీ తప్పవు. ప్రజలందరూ తనకు మద్దతుగా నిలవాలి’ అని కోరారు.
Similar News
News January 5, 2026
ఒత్తిడిని వదిలి ఊరి బాట పడదాం పదండి!
ఉరుకుల పరుగుల జీవితంలో పడి కన్నవారిని, సొంతూరిని మర్చిపోతున్నాం. ఏడాదంతా బిజీగా ఉండే మనకు పండుగలే కాస్త ఉపశమనాన్నిస్తాయి. అందుకే పండుగలకైనా పట్నం వదిలి పల్లెబాట పట్టండి. తల్లిదండ్రులతో గడిపే ఆ కాస్త సమయం వారికి జీవితాంతం గుర్తుండిపోయే మధుర జ్ఞాపకాలనిస్తుంది. ఆత్మీయుల మధ్య సందడిగా గడపండి. కుటుంబానికి మనం ఇచ్చే ఖరీదైన కానుక వారితో గడిపే సమయమే. మరింకేం ఈ సంక్రాంతితోనే దీనిని స్టార్ట్ చేద్దామా?
News January 5, 2026
వరి మాగాణి మినుములో తుప్పు లేదా కుంకుమ తెగులు
మినుము పూత దశ నుంచి తుప్పు తెగులు లక్షణాలు కనిపిస్తాయి. ఆకు ఉపరితలం పైన లేత పసుపు వర్ణం గల గుండ్రని చిన్న మచ్చలు ఉంటాయి. తర్వాత ఇవి కుంభాకారంలో గుండ్రని మచ్చలుగా మారి కుంకుమ/తుప్పు రంగులో కనిపిస్తాయి. ఈ తెగులు నివారణకు లీటరు నీటికి 2.5 గ్రాముల మాంకోజెబ్ + 1 మి.లీ. డైనోకాప్(లీటరు నీటికి) లేదా లీటరు నీటికి బైలాటాన్ 1గ్రా కలిపి 10 రోజుల వ్యవధిలో రెండు సార్లు మందులను మార్చి పిచికారీ చేయాలి.
News January 5, 2026
వాల్నట్స్ వీరు తినకూడదు
వాల్నట్స్లో ఉండే ఒమేగా-3 కొవ్వు ఆమ్లాలు, యాంటీ ఆక్సిడెంట్లు, ఫైబర్, ప్రోటీన్, విటమిన్లు, ఖనిజాలు మెదడు, గుండె ఆరోగ్యానికి ఎంతో మేలు చేస్తాయి. అయితే కొన్నిరకాల సమస్యలు ఉన్నవారు వీటికి దూరంగా ఉండాలంటున్నారు నిపుణులు. జీర్ణ సమస్యలు, రక్తస్రావ రుగ్మతలు ఉన్నవారు, బరువు తగ్గాలనుకునేవారు, మూత్రపిండాల్లో రాళ్లున్నవారు, శస్త్రచికిత్స చేయించుకోవాల్సిన వాళ్లు ఇవి తీసుకోకూడదని పరిశోధనలు వెల్లడిస్తున్నాయి.