News July 27, 2024

గొర్రెల పంపిణీ పథకాన్ని వెంటనే ప్రారంభించాలి: రవీందర్

TG: గొర్రెల పంపిణీ పథకాన్ని వెంటనే ప్రారంభించాలని రాష్ట్ర గొర్రెలు, మేకలు పెంపకందార్ల సంఘం ప్రధాన కార్యదర్శి ఉడుత రవీందర్ డిమాండ్ చేశారు. కాంగ్రెస్ అధికారంలోకి వచ్చిన మూడు నెలలకే రెండో విడత గొర్రెల పంపిణీ పూర్తి చేస్తామని హామీ ఇచ్చిందన్నారు. 7 నెలలు దాటినా ప్రారంభించలేదన్నారు. ప్రభుత్వం వెంటనే గొర్రెల పంపిణీ పథకానికి నిధులిచ్చి, ఎప్పటినుంచి ప్రారంభిస్తారో స్పష్టతనివ్వాలని కోరారు.