News March 1, 2025
శివకుమార్ పార్టీని చీలుస్తారు: బీజేపీ నేత
కర్ణాటక కాంగ్రెస్‌లో చీలికలు వచ్చేఅవకాశముందని ప్రతిపక్ష బీజేపీ నేత అశోక ఆరోపించారు. ఏక్‌నాథ్ శిందే తరహాలో ఆ పార్టీని ఉపముఖ్యమంత్రి డి.కే శివకుమార్ బీజేపీలో విలీనం చేసే అవకాశముందని తెలిపారు. నవంబర్16న కాంగ్రెస్‌లో నాయకత్వ మార్పు జరగనుందని జోస్యం చెప్పారు. అయితే శివరాత్రి వేడుకల్లో కేంద్ర హోం మంత్రి అమిత్‌షాతో పాటు డి.కే శివకుమార్ పాల్గొనటంతో పుకార్లు రేగాయి. ఉప ముఖ్యమంత్రి దీన్ని ఖండించారు.
Similar News
News November 29, 2025
GNT: వీవీఐపీ మార్గాల్లో ప్రత్యేక భద్రతా తనిఖీలు
గుంటూరు ఎస్పీ వకుల్ జిందాల్ ఆదేశాలతో DSW, SSG బృందాలు ప్రకాశం బ్యారేజ్-సెక్రటేరియట్, లోటస్ పాయింట్-టీడీపీ కార్యాలయం మార్గాల్లో ప్రత్యేక భద్రత తనిఖీలు చేపట్టాయి. అదనపు ఎస్పీ హనుమంతు, SSG డీఎస్పీ రామకృష్ణ పర్యవేక్షణలో క్రిటికల్ పాయింట్లు, కల్వర్టులు, వ్యాపార సముదాయాలు, నిర్మాణ ప్రాంతాలు జాగిలాల సహాయంతో తనిఖీ చేశారు. ముందస్తు భద్రతా చర్యలను మరింత బలోపేతం చేయాలని అధికారులు తెలిపారు.
News November 29, 2025
ఢిల్లీ పేలుడు: ఆమె గదిలో నోట్ల కట్టలు
ఢిల్లీ పేలుడు కేసులో NIA అధికారులు ₹18 లక్షలు రికవర్ చేశారు. అల్ ఫలాహ్ యూనివర్సిటీలో నిందితురాలు <<18421175>>షాహీన్ సయీద్‌<<>>కు సంబంధించిన రూమ్ నంబర్ 22లో ఈ డబ్బును గుర్తించారు. దర్యాప్తులో భాగంగా అధికారులు షాహీన్‌ను యూనివర్సిటీకి తీసుకెళ్లారు. ఆమె క్యాబిన్, రూమ్ తనిఖీ చేశారు. ప్లాస్టిక్ బ్యాగ్‌లో చుట్టిన నగదును ఆమె గదిలో గుర్తించారు. ఇంత పెద్దమొత్తంలో డబ్బు ఎక్కడి నుంచి వచ్చిందనేది ఆరా తీస్తున్నారు.
News November 29, 2025
CRDA అధికారులకు సీఎం వార్నింగ్
AP: పనుల కోసం ప్రభుత్వ కార్యాలయానికి వెళ్లే రాజధాని రైతులను డబ్బులు అడిగితే తీవ్ర పరిణామాలుంటాయని CM చంద్రబాబు హెచ్చరించారు. CRDA అధికారులు, సిబ్బందిపై వస్తున్న ఫిర్యాదులపై విచారించి కఠిన చర్యలు తీసుకుంటామన్నారు. రైతుల సమస్యల పరిష్కారం కోసం త్రిసభ్య కమిటీ పనిచేస్తుందని తెలిపారు. TDP కేంద్ర కార్యాలయంలో మీడియాతో చిట్‌చాట్‌లో మాట్లాడుతూ గోదావరి పుష్కరాల నాటికి పోలవరం పూర్తి చేస్తామని చెప్పారు.