News November 14, 2024

రైతులకు షాక్.. భారీగా పెరిగిన ధరలు

image

TG: DAP ధర బస్తాపై ఏకంగా ₹300 పెరగడంపై అన్నదాతలు ఆందోళన వ్యక్తం చేస్తున్నారు. 50KGల DAP ధర ఇటీవల వరకు ₹1350 ఉండగా, తాజాగా ₹1650కు పెంచారు. పాత స్టాక్‌కు కొత్త ధర వర్తించదని ప్రభుత్వం చెబుతున్నా వ్యాపారులు ₹1650 వసూలు చేస్తున్నారని రైతన్నలు వాపోతున్నారు. OCT నుంచి యాసంగి సీజన్ ప్రారంభం కాగా, ఇదే అదనుగా భావించి పలువురు వ్యాపారులు బ్లాక్ మార్కెట్‌కు తరలించి అధిక ధరకు అమ్ముతున్నట్లు ఆరోపణలున్నాయి.

Similar News

News November 29, 2025

‘హిల్ట్’ పెద్ద ల్యాండ్ స్కామ్: మహేశ్వర్ రెడ్డి

image

TG: హిల్ట్ పాలసీ పేరిట ₹6.29 లక్షల కోట్ల విలువైన భూమిని ₹5వేల కోట్లకే కట్టబెట్టడంపై ప్రభుత్వం ఎందుకు చర్చకు రావడం లేదని BJLP నేత మహేశ్వర్‌రెడ్డి ప్రశ్నించారు. కోకాపేటలో ఎకరం ₹151 కోట్లుండగా పారిశ్రామికవాడల్లో ₹54 లక్షలకే ఇచ్చేయడం లూటీ కాదా అని నిలదీశారు. ‘హిల్ట్ పాలసీ పెద్ద స్కామ్ అని నిరూపించలేకుంటే MLAగా రాజీనామా చేస్తా. నిజమని తేలితే CM, సబ్ కమిటీ మంత్రులు రాజీనామా చేయాలి’ అని సవాల్ విసిరారు.

News November 29, 2025

APPLY NOW: FDDIలో ఉద్యోగాలు

image

హైదరాబాద్‌లోని ఫుట్‌వేర్ డిజైన్& డెవలప్‌మెంట్ ఇన్‌స్టిట్యూట్ (<>FDDI<<>>) 4 పోస్టులకు దరఖాస్తులు కోరుతోంది. అర్హతగల అభ్యర్థులు DEC 12వరకు అప్లై చేసుకోవచ్చు. పోస్టును బట్టి పీజీ, డిగ్రీ (లెదర్ డిజైన్, లెదర్ గూడ్స్&యాక్ససరీస్ డిజైన్, ప్రొడక్ట్ డిజైన్, సిరామిక్ డిజైన్, గార్మెంట్ మ్యానుఫ్యాక్చరింగ్ టెక్నాలజీ), ఇంటర్ ఉత్తీర్ణతతో పాటు పని అనుభవం ఉండాలి. వెబ్‌సైట్: https://fddiindia.com

News November 29, 2025

గృహహింస చట్టం అత్తకు వర్తిస్తుందా?

image

సాధారణంగా గృహహింస చట్టం పెళ్లైన మహిళలకే వర్తిస్తుందని అనుకుంటారు. కానీ ఇది ఇంట్లో ఇతరుల వల్ల ఇబ్బంది పడే మహిళలందరికీ వర్తిస్తుంది. అత్తింట్లో కోడలు ఎలాంటి ఇబ్బంది పడ్డా, ఒకవేళ కోడలు అత్తను ఇబ్బంది పెట్టినా, హింసించినా ఈ చట్టం వర్తిస్తుంది. అలాగే కూతురిని హింసించినా ఈ చట్టం వర్తిస్తుందని నిపుణులు చెబుతున్నారు. చాలామంది అత్తలు ఇది తెలియక తమ కోడలు పెట్టే ఇబ్బందులును మౌనంగా భరిస్తున్నారు.