News March 17, 2024
త్వరలో ఒకే కేవైసీ విధానం?
ఫైనాన్షియల్ సర్వీస్ సెక్టార్‌లో ఒకే KYC విధానాన్ని తీసుకొచ్చేందుకు కేంద్రం కసరత్తు చేస్తోంది. ప్రస్తుతం బ్యాంకు ఖాతాల నుంచి ఇన్సూరెన్స్ పాలసీల కొనుగోలు వరకు ఆయా సంస్థలకు KYC సమర్పించాల్సి వస్తోంది. అడ్రస్, ఫోన్ నంబర్ మారినా మళ్లీ మార్పులు చేయాల్సి ఉంటుంది. ఈ నేపథ్యంలో వినియోగదారుల వివరాలన్నీ లభ్యమయ్యే ఒకే KYC విధానాన్ని తేవాలని ఫైనాన్షియల్ స్టెబిలిటీ అండ్ డెవలప్‌మెంట్ కౌన్సిల్ ప్రతిపాదించింది.
Similar News
News November 29, 2025
గృహహింస చట్టం అత్తకు వర్తిస్తుందా?
సాధారణంగా గృహహింస చట్టం పెళ్లైన మహిళలకే వర్తిస్తుందని అనుకుంటారు. కానీ ఇది ఇంట్లో ఇతరుల వల్ల ఇబ్బంది పడే మహిళలందరికీ వర్తిస్తుంది. అత్తింట్లో కోడలు ఎలాంటి ఇబ్బంది పడ్డా, ఒకవేళ కోడలు అత్తను ఇబ్బంది పెట్టినా, హింసించినా ఈ చట్టం వర్తిస్తుంది. అలాగే కూతురిని హింసించినా ఈ చట్టం వర్తిస్తుందని నిపుణులు చెబుతున్నారు. చాలామంది అత్తలు ఇది తెలియక తమ కోడలు పెట్టే ఇబ్బందులును మౌనంగా భరిస్తున్నారు.
News November 29, 2025
ప్రభాస్ మరో ఆరు నెలలు కనిపించరా?
సందీప్ రెడ్డి వంగా-ప్రభాస్ కాంబోలో తెరకెక్కుతోన్న స్పిరిట్ షూటింగ్ ఇటీవల ప్రారంభమైన విషయం తెలిసిందే. సినిమాలో ప్రభాస్ కొత్త లుక్ లీక్ అవకుండా ఉండటానికి సందీప్ జాగ్రత్తలు తీసుకుంటున్నారు. తాజా సమాచారం ప్రకారం.. వచ్చే 6 నెలలు ప్రజలకు కనిపించవద్దని ఆయన ప్రభాస్‌ను కోరారట. అయితే ఈ నిర్ణయంతో జనవరిలో విడుదల కానున్న “ది రాజాసాబ్” ప్రమోషన్స్ ఎలా చేస్తారు అన్నది ఆసక్తిగా మారింది.
News November 29, 2025
శ్రీవారి వైకుంఠ ద్వార దర్శనానికి రికార్డు రిజిస్ట్రేషన్లు
తిరుమల శ్రీవారి వైకుంఠ ద్వార దర్శనాలకు రికార్డు స్థాయిలో భక్తుల పేర్లు నమోదు చేసుకున్నారు. గడిచిన 48 గంటల్లో ఈ-డిప్‌లో టోకెన్లు పొందేందుకు 7.7 లక్షల రిజిస్ట్రేషన్ల ద్వారా 19.5 లక్షల మంది భక్తులు నమోదు చేసుకున్నట్లు TTD వర్గాలు తెలిపాయి. డిసెంబర్ 1న సాయంత్రం 5 గంటల వరకు రిజిస్ట్రేషన్లు కొనసాగనున్నాయి. డిసెంబర్ 2న టోకెన్లు పొందిన వారి మొబైల్‌కు మెసేజ్ పంపిస్తారు.