News July 9, 2024
సిరాజ్‌కు ప్రభుత్వ ఉద్యోగం, ఇంటి స్థలం
టీమ్‌ఇండియా క్రికెటర్ మహమ్మద్ సిరాజ్‌కు ప్రభుత్వ ఉద్యోగం, హైదరాబాద్ పరిసరాల్లో ఇంటి స్థలం ఇవ్వాలని సీఎం రేవంత్ నిర్ణయించారు. ఈ మేరకు చర్యలు తీసుకోవాలని అధికారులను ఆదేశించారు. ఇవాళ ఆయనను సిరాజ్ మర్యాదపూర్వకంగా కలిసి భారత క్రికెట్ జట్టు జెర్సీని బహూకరించారు. భవిష్యత్తులో సిరాజ్ మరిన్ని ఉన్నత శిఖరాలను అధిరోహించాలని, భారత క్రికెట్ జట్టుకు మంచి పేరు తేవాలని ఆకాంక్షిస్తున్నట్లు రేవంత్ ట్వీట్ చేశారు.
Similar News
News January 18, 2025
శ్రీశైలంలో శివరాత్రి బ్రహ్మోత్సవాలు ఎప్పుడంటే?
AP: శ్రీశైలంలో మహాశివరాత్రి బ్రహ్మోత్సవాలు ఫిబ్రవరి 19 నుంచి మార్చి 1 వరకు నిర్వహించనున్నట్లు ఆలయ అధికారులు తెలిపారు. ఫిబ్రవరి 26న శివరాత్రి సందర్భంగా పకడ్బందీగా ఏర్పాట్లు చేయాలని అధికారులను ఈవో శ్రీనివాసరావు ఆదేశించారు. భక్తులకు ఎలాంటి ఇబ్బందులు కలగకుండా పారిశుద్ధ్యం, ట్రాఫిక్, పార్కింగ్ వంటివాటిపై దృష్టి పెట్టాలని సూచించారు.
News January 18, 2025
మరో 63 అన్న క్యాంటీన్లు
AP: రాష్ట్రంలో కొత్తగా 63 అన్న క్యాంటీన్ల ఏర్పాటుకు మంత్రివర్గం ఆమోదం తెలిపింది. త్వరలోనే వీటి ఏర్పాటు, నిర్వహణకు టెండర్లు పిలవనున్నారు. ఏ ప్రాంతాల్లో ప్రారంభిస్తారనే విషయమై ఈ నెలఖారులోగా క్లారిటీ వచ్చే అవకాశముంది. కూటమి ప్రభుత్వం గత ఏడాది ఆగస్టు 15న అన్న క్యాంటీన్లను ప్రారంభించగా ప్రస్తుతం 203 అందుబాటులో ఉన్నాయి.
News January 18, 2025
నేడు విజయ్ హజారే ట్రోఫీ ఫైనల్
దేశవాళీ వన్డే ట్రోఫీ విజయ్ హజారే ఫైనల్ నేడు విదర్భ, కర్ణాటక జట్ల మధ్య జరగనుంది. విదర్భ కెప్టెన్ కరుణ్ నాయర్ భీకర ఫామ్‌లో ఉండగా ఆ జట్టు తొలిసారి టైటిల్ గెలవాలని ఉవ్విళ్లూరుతోంది. మరోవైపు ఐదో సారి VHTని ఖాతాలో వేసుకోవాలని మయాంక్ సారథ్యంలోని కర్ణాటక చూస్తోంది. మ.1.30కు మ్యాచ్ ప్రారంభం కానుండగా జియో యాప్, స్పోర్ట్ 18 ఛానల్‌లో లైవ్ చూడవచ్చు.