News December 31, 2024
SKLM: గతేడాది కంటే 17శాతం నేరాలు తగ్గుముఖం: ఎస్పీ
శ్రీకాకుళం జిల్లాలో ముందస్తు నిఘా, సమాచార సేకరణ, సత్వర స్పందన, సమర్థవంతమైన నియంత్రణ వల్ల శాంతి భద్రతలు అదుపులో ఉన్నాయని ఎస్పీ మహేశ్వర రెడ్డి తెలిపారు. మంగళవారం తన కార్యాలయంలో 2024 నేర గణాంకాలపై సమీక్షా సమావేశం నిర్వహించారు. 2023లో 11,017 కేసులు నమోదు అవ్వగా 2024లో 9,434 కేసులు నమోదయ్యాయని వెల్లడించారు. 2023 ఏడాదితో పోలిస్తే ఈ ఏడాది నేరాల సంఖ్య 17 శాతం గణనీయంగా తగ్గుముఖం పట్టిందని చెప్పారు.
Similar News
News November 29, 2025
శ్రీకాకుళం: సైబర్ సెక్యూరిటీ కోర్సుల్లో దరఖాస్తుల ఆహ్వానం
శ్రీకాకుళంలోని బలగ ప్రభుత్వ DLTC ITIలో APSSDC ఆధ్వర్యంలో ఎలక్ట్రీషియన్, సైబర్ సెక్యూరిటీ కోర్సుల్లో 3 నెలలు పాటు ఉచితంగా శిక్షణ ఇస్తున్నట్లు అసిస్టెంట్ డైరెక్టర్ రామ్మోహన్ రావు శుక్రవారం పేర్కొన్నారు. ఎలక్ట్రీషియన్‌కు పదోతరగతి, సైబర్ సెక్యూరిటీ కోర్సుకు ఇంటర్‌తో పాటుగా డిప్లొమా, డిగ్రీ ఆపై చదువుకున్న అభ్యర్థులు అర్హులన్నారు. డిసెంబర్ 8 లోపు దరఖాస్తులు బలగలోని తమ కార్యాలయంలో అందజేయాలన్నారు.
News November 29, 2025
శ్రీకాకుళం: రేషన్ డిపోల్లో రాగుల సరఫరా
జిల్లాలోని రేషన్ డిపోల్లో డిసెంబర్ నెల నుంచి లబ్ధిదారులకు రాగులు సరఫరా చేయనున్నారు. ఆముదాలవలస, సరుబుజ్జిలి, శ్రీకాకుళం, నరసన్నపేట, కోటబొమ్మాళి, పలాస, కంచిలి, ఇచ్ఛాపురం MLS స్టాక్ పాయింట్లకు ఇప్పటికే రాగులు సరఫరా జరిగినట్లు అధికారులు తెలిపారు. మిగతా సెంటర్లకు కూడా సరఫరా చేయనున్నట్లు పేర్కొన్నారు. జిల్లాలో 1625 రేషన్ డిపోలు ఉండగా 6.35 లక్షల రేషన్ కార్డులు, సుమారు 18.90లక్షల లబ్ధిదారులు ఉన్నారు.
News November 29, 2025
SKLM: టెన్త్ పబ్లిక్ పరీక్ష ఫీజు చెల్లింపు గడువు పెంపు
10వ తరగతి పబ్లిక్ పరీక్ష ఫీజులు చెల్లించేందుకు డిసెంబర్ 6 వరకు గడువు తేదీ పెంచినట్లు జిల్లా విద్యాశాఖ అధికారి కే.రవిబాబు శుక్రవారం ఓ ప్రకటనలు తెలిపారు. రూ.50 ఫైన్‌తో డిసెంబర్ 7 నుంచి 9 వరకు, రూ,200 ఫైన్‌తో 10 నుంచి 12వ తేదీ వరకు ఫీజ్ చెల్లించవచ్చన్నారు. రూ.500 ఫైన్‌తో 13 నుంచి డిసెంబర్ 15 వరకు
ఫీజ్ చెల్లించవచ్చని పేర్కొన్నారు.