News December 29, 2024
SKLM: కానిస్టేబుల్ అభ్యర్థులు .. ఇవి తప్పనిసరి
రేపటి నుంచి కానిస్టేబుల్ దేహదారుఢ్య పరీక్షలు జరగనున్న విషయం తెలిసిందే. అభ్యర్థులు తమతో పాటుగా అన్ని ఒరిజినల్ సర్టిఫికెట్లు, ఆటాచ్డ్ జిరాక్స్ ధ్రువీకరణ పత్రాలను తీసుకురావాలన్నారు. కాల్ లెటర్ తెలిపిన స్కోరు కార్డ్ (ఒరిజినల్ రిసల్ట్), స్టేజ్-1 అప్లికేషన్, స్టేజ్-II అప్లికేషన్‌లు తప్పనిసరిగా వెంట తెచ్చుకోవాలని సూచించారు. అన్ని ఒరిజినల్ సర్టిఫికేట్లు తీసుకురాని వారి అభ్యర్థిత్వం తిరస్కరిస్తారు.
Similar News
News November 3, 2025
పాపం ‘పసి’ ప్రాణం.. పుట్టడమే శాపమా..?
శ్రీకాకుళంలోని అరసవిల్లి జంక్షన్ సమీప మురుగు కాలువలో సోమవారం ఓ శిశువు మృతదేహం కంటతడి పెట్టించింది. తల్లి ఒడిలో లాలన పొందాల్సిన పసికందు మురుగులో తేలుతూ కనిపించడంతో మాతృత్వానికి మచ్చ తెచ్చేలా ఉందని పలువురు వాపోయారు. సమాచారం అందుకున్న ఎస్ఐ హరికృష్ణ సిబ్బందితో ఘటనా స్థలానికి చేరుకొని శిశువు మృతదేహాన్ని రిమ్స్‌కు తరలించారు. నాలాలో పడేశారా? వేరే కారాణాలున్నాయా? అనే కోణంలో దర్యాప్తు చేపట్టారు.
News November 3, 2025
శ్రీకూర్మంలో బండి ఎక్కిన పడవ
గార(M) శ్రీకూర్మనాథ స్వామి ఆలయం సమీపంలో ఆదివారం పడవను పోలిన బండిని చూసి స్థానికులు ఆశ్చర్యం వ్యక్తం చేశారు. గత మూడు రోజులుగా వేటకు వెళ్లని మత్స్యకారులు నావలకు రిపేర్లు చేయించారు. సాయంత్రం పడవను నాటు బండిపై ఎక్కించుకొని తీసుకుని వెళ్లిన దృశ్యాన్ని చూసేయండి.
News November 3, 2025
నేడు శ్రీకాకుళంలో పీజీఆర్‌ఎస్ కార్యక్రమం
నేడు (నవంబర్ 3న) ప్రజా ఫిర్యాదులు నమోదు మరియు పరిష్కార వేదిక, శ్రీకాకుళం జిల్లా పరిషత్ సమావేశ మందిరంలో నిర్వహిస్తున్నట్లు కలెక్టర్ స్వప్నిల్ దినకర్ పుండ్కర్ ఆదివారం ఒక ప్రకటనలో తెలిపారు. https://Meekosam.ap.gov.in వెబ్ సైట్‌లో అర్జీదారులు తమ ఫిర్యాదులు నమోదు చేసుకోవచ్చన్నారు. వినతులు సమర్పించిన అనంతరం వాటి స్థితిని తెలుసుకొనేందుకు 1100 నంబర్‌కు నేరుగా ఫోన్ చేసి తెలుసుకోవచ్చన్నారు.