News March 26, 2025
SLBCలో 33వ రోజు కొనసాగుతున్న సహాయక చర్యలు

శ్రీశైలం ఎడమగట్టు పరిధి నాగర్కర్నూల్ జిల్లా అమ్రబాద్లోని SLBC టన్నెల్లో గల్లంతైన వారికోసం సహాయక చర్యలు మరింత ముమ్మరం చేశారు. బుధవారం 33వ రోజు సహాయక చర్యలు ప్రారంభించారు. మొత్తం 8మంది గల్లంతు కాగా వారిలో ఇద్దరి మృతదేహాలు లభ్యమైన విషయం తెలిసిందే.మరో ఆరుగురి కోసం సహాయక చర్యలను చేపడుతున్నారు. జిల్లా కలెక్టర్ బాదావత్ సంతోష్, ఎస్పీ గైక్వాడ్ వైభవ్ రఘునాథ్ అక్కడే ఉండి సహాయక చర్యలు పర్యవేక్షిస్తున్నారు.
Similar News
News November 30, 2025
NLG: ఉప సర్పంచ్ పదవికి పెరిగిన క్రేజ్!

జిల్లాలో పంచాయతీ ఎన్నికల్లో ఉప సర్పంచ్ పదవికి క్రేజ్ పెరిగింది. గ్రామాల్లో చక్రం తిప్పే ముఖ్య నాయకులు అంతా ఇప్పుడు ఉప సర్పంచి పదవి పైనే దృష్టి కేంద్రీకరించారు. రిజర్వేషన్లు అనుకూలంగా రాకపోవడంతో పాటు మహిళలకు 50% సర్పంచి స్థానాలు రిజర్వు కావడంతో చాలా మంది బడా బాబులకు పోటీ చేసే అవకాశం లేకుండా పోయింది. దీంతో చాలా గ్రామాల్లో ముఖ్య నేతలంతా ఉప సర్పంచి పదవి కోసం రంగంలోకి దిగుతున్నట్లు తెలుస్తోంది.
News November 30, 2025
సిరిసిల్ల: జిల్లాలో సర్పంచుల నామినేషన్ల వివరాలు ఇవే..

వేములవాడ అర్బన్ – 11 గ్రామాల్లో సర్పంచ్ 87, వార్డులకు 270.
వేములవాడ రూరల్ – 17 గ్రామాల్లో సర్పంచ్ 98, వార్డులకు 336.
చందుర్తి మండలం – 19 గ్రామాల్లో సర్పంచ్ 113, వార్డులకు 397.
రుద్రంగి మండలం – 10 గ్రామాల్లో సర్పంచ్ 39, వార్డులకు 180.
కోనరావుపేట మండలం – 28 గ్రామాల్లో సర్పంచు స్థానం కోసం 202, వార్డులకు 513 నామినేషన్లు అందాయి.
మొత్తం సర్పంచులకు 539, వార్డులకు 1696 నామినేషన్ వచ్చాయి.
News November 30, 2025
NLG: రెండో విడతలో 282 పంచాయతీలు

రెండో విడతలో MLG రెవెన్యూ డివిజన్ పరిధిలోని అడవిదేవులపల్లి, అనుముల, దామరచర్ల, మార్గులపల్లి, MLG, నిడమనూరు, పెద్దవూర, తిరుమలగిరిసాగర్, త్రిపురారం, వేములపల్లి మండలాలకు చెందిన 282 గ్రామ పంచాయతీల్లో ఎన్నికలు జరగనున్నాయి. రెండో విడత ఎన్నికలకు ఆదివారం జిల్లా ఎన్నికల అధికారి, కలెక్టర్ ఇలా త్రిపాఠి నోటిఫికేషన్ జారీ చేయనున్నారు. ఆదివారం నుంచి డిసెంబర్ 2వ తేదీ వరకు నామినేషన్లను స్వీకరించనున్నారు.


