News March 24, 2025
SLBC ఘటనపై నేడు సీఎం రేవంత్ సమీక్ష
శ్రీశైలం ఎడమగట్టు కాల్వ పరిధి నాగర్ కర్నూల్ జిల్లా SLBC సొరంగం కూలిన ఘటనలో గల్లంతైన కార్మికులను వెలికితీసేందుకు సహాయక చర్యలు కొనసాగుతున్నాయి. సీఎం రేవంత్ రెడ్డి సోమవారం శాసనసభ కమిటీ హాల్లో సహాయక చర్యలపై ఉన్నతస్థాయి సమీక్ష నిర్వహించనున్నారు. సహాయక చర్యల్లో పాల్గొంటున్న 12 ఏజెన్సీల ఉన్నతాధికారులను ప్రభుత్వం ఈ సమావేశానికి పిలించింది. కాగా గల్లంతైన 8 మంది కార్మికుల్లో ఒకరి మృతదేహాన్ని వెలికితీశారు.
Similar News
News February 27, 2026
నెల్లూరు: కిడ్నాప్.. తల లేకుండా డెడ్బాడీ లభ్యం
ఉమ్మడి నెల్లూరు జిల్లా నాయుడుపేటలో యువకుడి మృతి కలకలం రేపింది. ముస్లిం వీధికి చెందిన ఉస్మాన్ ఓ హిజ్రాతో సన్నిహితంగా ఉండేవాడు. ఆమెకు చెందిన కొంత బంగారాన్ని అతని అన్న హుస్సేన్(33) తాకట్టు పెట్టి నగదు వాడుకున్నాడు. దీంతో ఆ హిజ్రా మరికొందరితో వచ్చి హుస్సేన్ను ఆటోలో తీసుకెళ్లి కిడ్నాప్ చేసింది. ఏమైందో ఏమో గురువారం పండ్లూరు వద్ద రైల్వే పట్టాలపై తల లేని మొండెంగా హుస్సేన్ డెడ్బాడీ దొరికింది.
News February 27, 2026
గ్రేటర్ వరంగల్లో తగ్గిన ఆదాయం!
గ్రేటర్ వరంగల్ కార్పొరేషన్ పరిధిలో అక్రమ నిర్మాణాలు పెరగడం వల్ల కార్పొరేషన్కు వివిధ ఫీజుల రూపంలో వచ్చే భవన నిర్మాణాల అనుమతుల ఆదాయం తగ్గుతోంది. 2024-25లో రూ.52 కోట్ల ఆదాయం వచ్చింది. 2025-26 బడ్జెట్లో భవన నిర్మాణ అనుమతుల ద్వారా రూ.136.05 కోట్లు ఆదాయం పొందాలని అంచనా వేయగా, ఇప్పటి వరకు రూ.22 కోట్లు మాత్రమే వచ్చింది. ఆదాయం తగ్గడానికి అక్రమ నిర్మాణాలను ప్రోత్సహించడమే కారణమనే ఆరోపణలు వస్తున్నాయి
News February 27, 2026
2026లో భారీ బడ్జెట్ సినిమాలు.. బాక్సాఫీస్ను షేక్ చేస్తాయా?
ఈ ఏడాది బాలీవుడ్లో భారీ బడ్జెట్ చిత్రాలు బాక్సాఫీస్ వద్ద అదృష్టాన్ని పరీక్షించుకోనున్నాయి. రణ్బీర్, సాయిపల్లవి జంటగా ₹4000Crతో తెరకెక్కిస్తున్న ‘రామాయణ-1’ దీపావళికి రిలీజ్ కానుంది. MAR 19న ధురంధర్-2(₹300Cr) మరోసారి బాక్సాఫీస్ను షేక్ చేయాలని చూస్తోంది. యశ్ ‘టాక్సిక్’(₹500Cr) కూడా అదేరోజు రానుంది. షారుఖ్ ఖాన్ ‘కింగ్’(₹350Cr).. రణ్బీర్, విక్కీ, ఆలియా ‘లవ్ అండ్ వార్’(₹425Cr) రేసులో ఉన్నాయి.