News January 30, 2025
చిన్న చిన్న ఘ‌ట‌న‌లు జ‌రుగుతుంటాయి.. కుంభ‌మేళా తొక్కిస‌లాట‌పై UP మంత్రి
కుంభ‌మేళాలో 30 మంది భ‌క్తులు తొక్కిస‌లాట‌లో మృతి చెంద‌డం ఓ చిన్న ఘటన అంటూ UP మంత్రి సంజయ్ నిషాద్ చేసిన వ్యాఖ్య‌ల‌పై విమ‌ర్శ‌లు వెల్లువెత్తుతున్నాయి. భారీ ఈవెంట్లలో ఇలాంటివి చిన్న ఘ‌ట‌న‌ల‌ని, పైగా అనివార్య‌మ‌ని ఆయ‌న వ్యాఖ్యానించ‌డం గ‌మ‌నార్హం. తొక్కిసలాట ఘటన బాధాకరమని చెబుతూనే ఈ తరహా కార్యక్రమాలను నిర్వహించడం పెద్ద సవాల్ అని సంజయ్ నిషాద్ పేర్కొన్నారు.
Similar News
News January 30, 2025
ప్రత్యేక హోదా అడగడానికి మీ ఇబ్బందేంటి?: షర్మిల
AP: కేంద్రంలో పెద్దన్న పాత్ర పోషించే అవకాశం ఉన్నప్పుడు, రాష్ట్రానికి ప్రత్యేక హోదా అడగడానికి ఇబ్బంది ఏంటి? అని CM చంద్రబాబును షర్మిల ప్రశ్నించారు. ‘మీ మద్దతుతో అధికారం అనుభవిస్తున్న PM మోదీ విభజన హామీలను నెరవేర్చాలి. ఈ నెల 31నుంచి జరుగుతున్న పార్లమెంట్ బడ్జెట్ సమావేశాల్లో మీ పార్టీ MPలు తమ గళం విప్పాలి. హోదా ఇవ్వకపోతే కేంద్రానికి ఇచ్చిన మద్దతును ఉపసంహరించుకోవాలి’ అని ఆమె బహిరంగ లేఖ రాశారు.
News January 30, 2025
జియో యూజర్లకు షాక్
జియో తమ యూజర్లకు షాకిచ్చింది. ఎలాంటి సమాచారం లేకుండా రూ.189, రూ.479 ప్రీపెయిడ్ ప్లాన్లను తొలగించింది. మొబైల్ డేటా తక్కువగా వాడేవారు ఈ రీఛార్జ్ ప్లాన్లను ఎక్కువగా ఉపయోగిస్తారు. రూ.189కి 28 రోజుల వ్యాలిడిటీతో 2జీబీ డేటా+అపరిమిత కాల్స్, రూ.479కి 84 రోజుల వ్యాలిడిటీతో 6GB డేటా+అపరిమిత కాల్స్ ఉండేవి. సమాచారం లేకుండా ప్లాన్లు తొలగించడంపై పలువురు వినియోగదారులు అసహనం వ్యక్తం చేస్తున్నారు.
News January 30, 2025
ఫిబ్రవరి 7న అసెంబ్లీ ప్రత్యేక సమావేశం!
TG: ఫిబ్రవరి 7న రాష్ట్ర అసెంబ్లీ ప్రత్యేకంగా సమావేశం అయ్యే అవకాశం ఉంది. ఈ సందర్భంగా కులగణన సర్వే నివేదికకు ఆమోదం తెలపనున్నట్లు సమాచారం. అంతకుముందే ఫిబ్రవరి 2న క్యాబినెట్ సబ్ కమిటీకి అధికారులు కులగణన సర్వే రిపోర్టును అందజేయనున్నారు. 5న క్యాబినెట్ సమావేశం జరగనుండగా, కులగణన సర్వే నివేదికను ఆమోదించనున్నారు.