News May 6, 2024

మరికొద్ది రోజుల్లో కొడుకు పుట్టినరోజు.. ఇంతలోనే..

జమ్మూకశ్మీర్ పూంఛ్‌లో IAF వాహనంపై జరిగిన ఉగ్రవాదుల దాడిలో కార్పొరల్ విక్కీ పహాడే (33) మృతిచెందడంతో ఆయన కుటుంబంలో విషాదం నెలకొంది. ‘జూన్ 7న తన ఐదేళ్ల కుమారుడి పుట్టినరోజును ఘనంగా జరిపేందుకు విక్కీ ప్లాన్ చేస్తున్నారు. ఇంతలోనే ఈ విషాదం జరిగింది. ఇప్పుడు ఆయన అంత్యక్రియలు చేయాల్సి వస్తోంది’ అని కుటుంబసభ్యులు వాపోయారు. కాగా చివరగా రెండు వారాల క్రితం విక్కీ తన సోదరి పెళ్లికి హాజరయ్యారు.