News November 8, 2024
బాధ‌పెట్టుంటే క్ష‌మించండి: సీజేఐ చంద్రచూడ్
తన ప‌ద‌వీకాలంలో అనుకోకుండా ఎవ‌రినైనా బాధ‌పెట్టుంటే క్ష‌మించాల‌ని సుప్రీంకోర్టు CJI జస్టిస్ DY చంద్రచూడ్ కోరారు. శుక్ర‌వారం ఆయ‌న సీజేఐగా ప‌ద‌వీకాలాన్ని పూర్తి చేసుకున్నారు. ఈ సంద‌ర్భంగా స‌హ‌చ‌ర న్యాయ‌మూర్తులు, న్యాయ‌వాదులు ఆయ‌న‌కు ఘ‌నంగా వీడ్కోలు ప‌లికారు. త‌దుప‌రి CJIగా జస్టిస్ సంజీవ్ ఖన్నా లాంటి సమర్థులు బాధ్యతలు చేప‌ట్ట‌బోతున్నందున తాను ఈ కోర్టును వ‌దిలివెళ్లినా తేడా ఉండ‌బోద‌న్నారు.
Similar News
News November 8, 2024
తెలంగాణ రాకపోతే రేవంత్ సీఎం అయ్యేవాడా?: హరీశ్
TG: కేసీఆర్ లేకపోతే అసలు తెలంగాణ వచ్చేదా? రేవంత్ సీఎం అయ్యేవాడా? అని మాజీ మంత్రి హరీశ్ రావు ప్రశ్నించారు. KCR ఆనవాళ్లు లేకుండా మూసీ శుద్ధి చేయడం సాధ్యం కాదని అన్నారు. అధికారంలోకి వచ్చి 11 నెలలైనా ఒక్క ఇళ్లు కట్టలేదని దుయ్యబట్టారు. కూలగొట్టడం తప్ప నిర్మించడం రేవంత్‌కు తెలియదని మండిపడ్డారు. సీఎం బెదిరింపులకు భయపడమని, ప్రశ్నిస్తూనే ఉంటామని తేల్చి చెప్పారు.
News November 8, 2024
సోషల్ మీడియాలో అలాంటి పోస్టులు పెట్టవద్దు: ఏపీ పోలీస్
సోషల్ మీడియాలో కుల, మత వర్గాల మధ్య విబేధాలకు దారితీసే పోస్టులు పెట్టవద్దని విజయవాడ పోలీసులు ఓ ప్రకటనలో సూచించారు. మార్ఫింగ్, ట్రోలింగ్, అశ్లీల, హింసాత్మక ఫొటోలు/వీడియోలు, తప్పుడు సమాచారాన్ని పోస్ట్ చేయవద్దని పేర్కొన్నారు. ఫేక్ అకౌంట్స్‌తో అసభ్యకర పోస్టులు, మెసేజులు చేయడం, ఆన్‌లైన్ వేధింపులు, చట్టవిరుద్ధ కార్యాకలాపాలకు పాల్పడితే కఠిన చర్యలుంటాయని హెచ్చరించారు. ఫిర్యాదులకు 112కు కాల్ చేయాలన్నారు.
News November 8, 2024
‘యోగా’ టెక్నిక్ ఆమె ప్రాణాలను కాపాడింది
బెంగళూరులో యోగా టీచర్ అర్చన(35) బ్రీత్ కంట్రోల్ ప్రతిభతో చావు నుంచి తప్పించుకుంది. ఆమెకు తన భర్తతో అక్రమ సంబంధం ఉందని బిందు అనే మహిళ అనుమానించింది. అర్చనను చంపేందుకు కొందరికి సుపారీ ఇచ్చింది. వారు ఆమెను తీవ్రంగా కొట్టి అడవికి తీసుకెళ్లారు. అర్చన తన యోగా ప్రతిభతో శ్వాసను నియంత్రించుకుని చనిపోయినట్లు నటించడంతో దుండగులు వదిలేసి వెళ్లిపోయారు. ఆమె పోలీసులకు ఫిర్యాదు చేయగా నిందితులను అరెస్టు చేశారు.