News May 7, 2024
దేశంలో సావరిన్ వెల్త్ ఫండ్స్ జోరు
భారత్‌లో సావరిన్ వెల్త్ ఫండ్స్ (SWF) రూపంలో విదేశాల పెట్టుబడులు పెరుగుతున్నాయి. ఏడాది వ్యవధిలో భారత్‌లో SWF అసెట్స్ 60% పెరిగి రూ.4.7లక్షల కోట్లకు (ఏప్రిల్ నాటికి) చేరాయి. 2023లో ఈ మొత్తం రూ.3లక్షల కోట్లుగా ఉంది. ఫారిన్ పోర్ట్‌ఫోలియో ఇన్వెస్టర్స్ (FPI) పరిధిలోని మొత్తం ఆస్తుల విలువ 40% పెరిగి రూ.69.5లక్షల కోట్లకు చేరాయి. రాజకీయ స్థిరత్వం, ఆర్థిక వృద్ధే ఈ పెరుగుదలకు కారణమని నిపుణులు చెబుతున్నారు.
Similar News
News January 6, 2025
పవన్‌ను అరెస్ట్ చేయాలి: వైసీపీ అధికార ప్రతినిధి
AP: Dy.CM పవన్‌ను అరెస్ట్ చేయాలని YCP అధికార ప్రతినిధి కె.వెంకటరెడ్డి డిమాండ్ చేశారు. ‘గేమ్ ఛేంజర్’ ప్రీ రిలీజ్ ఈవెంట్‌కు హాజరైన పవన్ బైక్ సైలెన్సర్లు తీసి యువకులు స్టంట్లు చేయాలని చెప్పారన్నారు. అందువల్లే ఆ ఈవెంట్‌కు వెళ్లొస్తూ ఇద్దరు యువకులు చనిపోయారని, వారి మృతికి కారణమైన ఆయన్ను అరెస్ట్ చేయాలన్నారు. అటు, TGలో సంధ్య థియేటర్ వద్ద తొక్కిసలాటలో మహిళ మృతిచెందిన కేసులో బన్నీ అరెస్టైన విషయం తెలిసిందే.
News January 6, 2025
ఇకనైనా మాస్కులు పెట్టుకోండి గురూ!
చైనాను వణికించిన వైరస్ మన దగ్గరకు ఎందుకు వస్తుందిలే అనుకోవడంతోనే ఐదేళ్ల క్రితం కరోనా ప్రపంచాన్ని అతలాకుతలం చేసింది. ఇప్పుడు చైనాలో HMPV కేసులు పెరుగుతుండటంతో INDకు వచ్చేందుకు టైమ్ పడుతుందిలే అని అంతా భావించారు. కానీ అవే లక్షణాలతో BNGLRలో 8నెలల చిన్నారి ఆస్పత్రిలో చేరింది. కాబట్టి ఇప్పటి నుంచే బయటకెళ్లినప్పుడు మాస్కులు ధరించండి. చేతులు శుభ్రంగా కడుక్కోండి. షేక్ హ్యాండ్స్ ఇవ్వకండి. SHARE IT
News January 6, 2025
టీమ్ ఇండియా ఓటమికి కారణం అదే: గంగూలీ
BGT సిరీస్‌లో టీమ్ ఇండియా ఓటమికి బ్యాటింగ్‌లో వైఫల్యమే కారణమని భారత మాజీ కెప్టెన్ సౌరవ్ గంగూలీ అన్నారు. ‘టెస్ట్ క్రికెట్‌లో పరుగులు చేయడం చాలా ముఖ్యం. 170, 180 రన్స్ చేస్తే మ్యాచులు గెలవలేం. 350-400 పరుగులు చేయాలి. ఓటమి విషయంలో ఎవరినీ నిందించలేం. అందరూ రన్స్ చేయాల్సిందే’ అని ఓ ఇంటర్వ్యూలో వ్యాఖ్యానించారు. BGTలో రోహిత్, కోహ్లీ బ్యాటింగ్‌పై విమర్శలొస్తున్న సంగతి తెలిసిందే.