News July 25, 2024
పాలిటెక్నిక్‌లో స్పాట్ అడ్మిషన్లు
AP: పాలిటెక్నిక్ తుది విడత కౌన్సెలింగ్ ముగిసింది. మిగిలిన సీట్లను స్పాట్ అడ్మిషన్ల కోటాలో భర్తీ చేస్తున్నట్లు సాంకేతిక విద్యాశాఖ తెలిపింది. ఒరిజినల్ సర్టిఫికెట్లు, నిర్దేశించిన రుసుంతో జులై 31లోగా విద్యార్థులు తాము చేరాలనుకునే కాలేజీలకు వెళ్లాలని సూచించింది. కాగా స్పాట్ అడ్మిషన్ ద్వారా చేరే విద్యార్థులకు ఫీజు రీయింబర్స్‌మెంట్ వర్తించదని తెలిపింది.
Similar News
News November 29, 2025
ద్రవిడ్, లక్ష్మణ్ లాంటి ప్లేయర్లు లేరు: కపిల్ దేవ్
సౌతాఫ్రికాతో 0-2 తేడాతో టెస్టు సిరీస్‌ను టీమ్ ఇండియా ఓడిపోవడంపై క్రికెట్ దిగ్గజం కపిల్ దేవ్ స్పందించారు. ‘స్పిన్, సీమ్ పిచ్‌లపై ఆడాలంటే ఓపిక అవసరం. ఎక్కువసేపు క్రీజులో ఎలా నిలబడాలో తెలిసిన రాహుల్ ద్రవిడ్, VVS లక్ష్మణ్ లాంటి బ్యాటర్లు మనకు లేరు. టెస్టుల్లో బ్యాటింగ్ అంటే క్రీజులో నిలదొక్కుకోవడమే’ అని చెప్పారు. ఇప్పుడున్న ప్లేయర్లలో ఎంత మంది డొమెస్టిక్ క్రికెట్ ఆడుతున్నారని ఆయన ప్రశ్నించారు.
News November 29, 2025
చలికాలంలో దూడలకు న్యుమోనియా ముప్పు
దూడలు ఎక్కువగా చలికాలమైన నవంబరు నుంచి జనవరి మాసాల్లో మరణిస్తుంటాయి. దీనికి కారణం దూడలకు చలిగాలి, ఈదురుగాలి సోకినట్లయితే న్యుమోనియా వ్యాధి వస్తుంది. ఈ సమయంలో వైద్యం అందకపోతే మరణాలు సంభవిస్తాయి. ఈ సందర్భాలలో జ్వరం కూడా వచ్చి శ్వాస పీల్చడం కష్టమవుతుంది. అలాంటప్పుడు వెంటనే పశువైద్యుడిని సంప్రదించాలి. అలాగే లేగదూడలుండే పశుకొట్టాలను శుభ్రంగా ఉంచి, చలిగాలులు తగలకుండా పరదాలు కట్టి జాగ్రత్త వహించాలి.
News November 29, 2025
‘హిల్ట్’ పెద్ద ల్యాండ్ స్కామ్: మహేశ్వర్ రెడ్డి
TG: హిల్ట్ పాలసీ పేరిట ₹6.29 లక్షల కోట్ల విలువైన భూమిని ₹5వేల కోట్లకే కట్టబెట్టడంపై ప్రభుత్వం ఎందుకు చర్చకు రావడం లేదని BJLP నేత మహేశ్వర్‌రెడ్డి ప్రశ్నించారు. కోకాపేటలో ఎకరం ₹151 కోట్లుండగా పారిశ్రామికవాడల్లో ₹54 లక్షలకే ఇచ్చేయడం లూటీ కాదా అని నిలదీశారు. ‘హిల్ట్ పాలసీ పెద్ద స్కామ్ అని నిరూపించలేకుంటే MLAగా రాజీనామా చేస్తా. నిజమని తేలితే CM, సబ్ కమిటీ మంత్రులు రాజీనామా చేయాలి’ అని సవాల్ విసిరారు.