News April 11, 2025
SRD: రేపే స్క్రీనింగ్ టెస్ట్.. వెబ్ సైట్‌లో హాల్ టికెట్లు
తెలంగాణ బీసీ స్టడీ సర్కిల్ ఆధ్వర్యంలో నెలరోజుల పాటు ఇవ్వనున్న బ్యాంకింగ్ ఉచిత శిక్షణకు దరఖాస్తు చేసుకున్న అభ్యర్థులు ఆన్లైన్ ద్వారా హాల్ టికెట్లు డౌన్లోడ్ చేసుకోవాలని జిల్లా బీసీ స్టడీ సర్కిల్ డైరెక్టర్ టీ.ప్రవీణ్ తెలిపారు. ఈనెల12 శనివారం రోజు స్క్రీనింగ్ టెస్ట్ నిర్వహిస్తామన్నారు. అభ్యర్థులు తమకు కేటాయించిన పరీక్ష కేంద్రానికి సకాలంలో చేరుకోవాలని సూచించారు.
Similar News
News April 22, 2025
CSKకు గెలవాలనే కసి లేదు: రైనా
ఐపీఎల్ 2025లో సీఎస్కేకు గెలవాలనే తపన, కసి లేవని ఆ జట్టు మాజీ ప్లేయర్ సురేశ్ రైనా అన్నారు. ప్రస్తుతం అన్ని జట్లకన్నా సీఎస్కేనే బలహీనంగా కనిపిస్తోందని ఆయన అభిప్రాయపడ్డారు. ‘జట్టులోని ఆటగాళ్లకు అసలు అంకితభావం, చిత్తశుద్ధి లేనట్లుగా కనిపిస్తోంది. ఇది నేను వారిని అవమానిస్తున్నట్లు కాదు. గతంలో సీఎస్కేకు ఉండే బ్రాండ్ ఇమేజ్ ఇప్పుడు కనిపించడం లేదు’ అని ఆయన వ్యాఖ్యానించారు.
News April 22, 2025
గట్టు జూనియర్ కాలేజీలో మెరిసిన మాణిక్యం
గట్టు మండల కేంద్రంలోని ప్రభుత్వ గురుకుల జూనియర్ కాలేజీలో చదువుతున్న మహిన్ జవేరియా ఈ ఏడాది విడుదలైన ఇంటర్ ఫలితాల్లో 440లో 432 మార్కులు సాధించి ప్రతిభను చాటింది. చిన్న కిరాణా షాప్ నడుపుకుంటూ విద్యను ప్రోత్సహించిన తల్లిదండ్రుల ఆత్మీయతకు మంచి ఫలితం వచ్చిందని గ్రామస్థులు తెలిపారు. మహిన్ సాధనకు ప్రశంసలు వెల్లువెత్తాయి. గ్రామస్థులు ఆమెకు శుభాకాంక్షలు తెలిపి స్వీట్లు పంపించి అభినందనలు తెలిపారు.
News April 22, 2025
తప్పు చేసినవారిపై చర్యలు తప్పవు: సీఎం సిద్దరామయ్య
కర్ణాటకలో ‘వింగ్ కమాండర్‌పై దాడి’ కేసులో దోషులపై చట్టప్రకారం చర్యలు తప్పవని ఆ రాష్ట్ర CM సిద్దరామయ్య స్పష్టం చేశారు. ‘కన్నడిగులు మాతృభాష పట్ల గర్విస్తారు. అలా అని ఇతర భాషల్ని ద్వేషించరు. దాడులు చేయరు. మాది అంతటి కుంచిత మనస్తత్వం కాదు. జాతీయ మీడియా మా గౌరవాన్ని దిగజార్చేలా వార్తలు వ్యాప్తి చేయడం దురదృష్టకరం. ఘటనపై సమగ్ర విచారణ చేసి దోషుల్ని కఠినంగా శిక్షించాలని పోలీసుల్ని ఆదేశించాను’ అని తెలిపారు.